Hamaze iminsi hari amakuru avuga ko mu rwego rwo guteza imbere Ikipe y'Ingabo z'Igihugu APR FC, hari zimwe mu nzego z'ubuyobozi zizahindurwa.
Kuri uyu wa Kabiri tariki ya 9 Ukuboza 2025, Isibo Fm yatangaje ko Brig Gen Deo Rusanganwa yakuwe muri izo nshingano kubera imirimo myinshi amaranye iminsi. Bati: "[...] Kubera inshingano nyinshi z'akazi afite, Brig. Gen Deo Rusanganwa yakuwe ku mwanya wa Chairman muri APR FC."
InyaRwanda yagerageje gushaka andi makuru yisumbuye, ihamagara Brig Gen Deo Rusanganwa kuri telefone ye igendanwa ariko ntiyabasha kumubona.
Brig Gen Deo Rusanganwa yagizwe Chairman w'agateganyo wa APR FC tariki ya 9 Ugushyingo 2024. Mu gihe cy'iminsi 395 Brig Gen Deo Rusanganwa amaze kuri izo nshingano, yahaye APR FC Ibikombe bitatu; Igikombe cy'Intwari, Igikombe cya Shampiyona n'icy'Amahoro.
Chairman Brig. Gen Deo Rusanganwa yegukanye ibikombe bitatu mu gihe cy'umwaka n'ukwezi amaze muri APR FC