Amakuru dukesha BBC Sport avuga ko impande zombi z’amakipe zimaze
kumvikana, hasigaye gusa utuntu duto two kurangiza, maze uyu mukinnyi
akemererwa kujyana na Arsenal mu rugendo rwo kwitegura umwaka w’imikino muri
Aziya, ruzatangira mu mpera z’iki cyumweru.
Gyokeres w’imyaka 27 yamaze kwemera amasezerano y’imyaka itanu.
BBC Sport yari yatangaje mu ntangiriro z’uku kwezi ko Arsenal yahisemo
kwerekeza amaso kuri Gyokeres nyuma yo gutakaza icyizere cyo kugura Benjamin
Sesko wa RB Leipzig.
Umuyobozi ushinzwe siporo muri Arsenal, Andrea Berta, yerekeje i
Lisbon mu mpera z’icyumweru gishize
kugira ngo agirane ibiganiro na Sporting.
Kuri iki cyumweru, Perezida wa Sporting Frederico Varandas yatangaje ko
Gyokeres ashobora gufatirwa ibihano kubera kutitabira imyitozo yo kwitegura
umwaka mushya w’imikino.
Uyu rutahizamu watsinze ibitego 54 mu mikino 52 mu mwaka ushize,
ntiyigeze asobanura impamvu atagaragaye mu myitozo.
Varandas yabwiye ibiro ntaramakuru byo muri Portugal, Lusa, ati: "Nta
n’umwe uri hejuru y’inyungu z’ikipe."
Gyokeres, wahoze akinira Brighton na Coventry, amaze gutsindira
Sporting ibitego 97 mu mikino 102 mu myaka ibiri ishize, anabafasha kwegukana
ibikombe bibiri bya shampiyona.