Kuri urwo rutonde rw'agateganyo, Meya Mukandayisenga Vestine usanzwe ayobora Akarere ka Gakenke ni we wenyine watanze kandidatire mu gihe Mukanyirigira Judith wa Rulindo, Nzabonimpa Emmanuel wa Givumbi, Mukamana Soline wa Burera na Nsengimana Claudien bo batagaragara kuri urwo rutonde.
Mukandayisenga Vestine yatangiye kuyobora Gakenke mu Ukwakira 2023 asimbuye Nizeyimana Jean Marie Vianney wirukanwe naho Mukanyirigira Judith wa Rulindo na Nzabonimpa Emmanuel wa Givumbi bo bari basoje Manda imwe muri ebyiri bemererwa n'amategeko.
Nsengimana Claudien wayoboraga Musanze na Mukamana Soline wa Burera nabo batangiye kuyobora utwo turere mu Ukwakira 2023 basimbuye Ramuli Janvier wa Musanze na Uwanyirigira Marie Chantal nabo bari birukanwe muri Kanama 2023.
Biteganyijwe ko urutonde ntakuka ruzatangazwa tariki 30 Ukwakira mu gihe amatora y'abajyanama b'uturere azaba mu Ugushyingo 2026 ari nabo bazatorwamo komite nyobozi ibarizwamo ba Meya n'ababungurije.
Umwanditsi: Bazatsinda Jean Claude