Ku wa Gatanu w'iki Cyumweru saa kumi nebyiri z'umugoroba nibwo Al Ahly yo mu Misiri izaba yakiriye Mamelodi Sundowns yo muri Afurika y'Epfo kuri 30 June Stadium.
Ni nyuma yuko umukino ubanza wari wabereye muri Afurika y'Epfo ukarangira amakipe yombi anganya 0-0.
Abanyarwanda babiri bari mu bazasifura uyu mukino aho Uwikunda Samuel azaba ari umusifuzi wa Kane naho Mukansanga Salima akazaba ari ku ikoranabuhanga rifasha abasifuzi rizwi nka VAR.
Uyu aga ari umwe mu mikino ikomeye ku mugabane w'Afurika dore ko ikipe ya Mamelodi Sundowns y'umuherwe Dr Patrice Motsepe ibitse igikombe cya CAF Champions League cya 2016 ndetse na kimwe cya CAF Super Cup yahise yegukana muri 2015.
Ni mu gihe Al Ahly yo ifatwa nk'ikipe ya mbere ku mugabane w'Afurika ibitse ibikombe 12 bya CAF Champions League ndetse n'umunani bya Super Cup.