Abanyabugeni bagiye guhembwa binyuze muri gahunda ya 'Dusigasire Amateka y’u Rwanda'

Iyi gahunda izibanda ku bihangano by'amashusho n'amafoto, aho abanyabugeni bose bazakora ibihagano bitandukanye bigaragaza amateka y’u Rwanda kuva mu gihe cya mbere y’ubukoloni kugeza muri iki gihe turimo. Ibi bihangano bazabijyana kuri House of Frame art Gallery ku Gishushu.

Umuyobozi wa House of Frame Art Gallery, Ruzindana Jules yavuze ko ubishaka wese yemerewe gukora igihangano kigaragaza ubuzima bw’Abanyarwanda, umuco wabo ndetse n’ibindi byagiye biranga abanyarwanda mu bihe bitandukanye.

Yavuze ko nta kindi basabwa uretse gukora ibyo bihangano bakabijyana gusa, ubundi uzaba yakoze icyiza kurusha abandi agahembwa ibihumbi 300 Frw.

Ikindi ni uko ibihangano byiza bizatoranwa bizashyirwa muri Medwell Art and Historic Center bikazabyarira inyungu ihoraho ba nyirabyo. Kwakira ibihangano bizarangira taliki ya 10 Nzeli 2026. Impamvu y’ibi ni uguteza imbere umuco nyarwanda. 

Abanyabugeni bagiye guhembwa binyuze muri gahunda ya Dusigasire Amateka y’u Rwanda