Mu gihe shampiyona zikomeye ku Isi zirimo iy’Ubwongereza
zikomeje ariko mu ya Espagne ho hatanzwe ikiruhuko kinini kuva ku wa Mbere w’iki Cyumweru. Amakipe yo muri iyi
shampiyona azasubira mu kibuga guhera ku
wa Gatanu tariki ya 2 Muatarama 2025.
Kuri ubu abakinnyi bazwi cyane biganjemo aba FC
Barcelona na Real Madrid babinyujije ku mbuga nkoranyambaga bari kwerekana ko
baryohewe n’ibi biruhuko. Vinicius Junior yerekanye ko ari i Dubai aho ari kumwe
n’umukunzi we, Virginia Fonseca.
Yerekeje i Dubai nyuma y’uko ku mukino uheruka batsinzemo
FC Sevilla bitagenze neza aho yasimbujwe abafana ba Real Madrid bakamuvugiriza induru
bigatuma ahita anahindura ifoto iri kuri profile ye ya Instagram aho yakuyeho
iyo ari mu mwambaro w’iyi kipe ashyiraho
iyo ari mu wa Brazil.
Undi mukinnyi wagaragaje ko aryohewe n’ibiruhuko ni
Jude Bellingham aho nawe abinyujije ku mbuga nkoranyambaga yerekanye ko ari
kubarizwa i Dubai ari kumwe n'abo mu muryango we.
Lamine Yamal nawe arikubarizwa i Dubai aho ari kumwe
na Alejandro Balde bakinana muri FC Barcelona.
Raphinha wa FC Barcelona we ari kubarizwa iwabo muri
Brazil ndetse ejo yakoze igikorwa cy’urukundo atanga ibirirwa ku
batishoboye.
Raphinha mu biruhuko iwabo muri Brazil
Lamine Yamal yerekeza i Dubai aho arimo arabarizwa mu biruhuko
Vinicius n'umukunzi we barabarizwa i Dubai
Jude Bellingham n'umuryango we i Dubai