Ikipe ya Los Angeles Lakers ikomeje guharura inzira igana ku gikombe cya NBA muri uyu mwaka, nyuma yo gutsinda umukino wa kabiri wikurikiranya muri irindwi izakina na Miami Heat.
Mu mukino wabaye mu rucyerera rwo kuri uyu wa gatandatu tariki ya 03 Ukwakira 2020, utagiraga abafana kubera ingamba zo kwirinda ikwirakwira ry'icyorezo cya COVID-19, LA Lakers yatsinze Miami Heat amanota 124-114.
LA Lakers niyo yatangiye neza umukino itsinda uduce tubiri twa mbere, aho yatsinze agace ka mbere ku manota 29-23, itsinda agace ka kabiri ku manota 39-31.
Miami Heat yavuye mu karuhuko igarukanye imbaraga nyinshi, dore ko yatsinze agace ka gatatu n'amanota 39-35, mu gihe agace ka kane ari nako ka nyuma amakipe yombi yatsinzemo amanota 21, bituma LA Lakers itahukana intsinzi ku kinyuranyo cy'amanota 10, kuko yatsinze Miami Heat amanota 124-114.
LeBron James ukinira Lakers niwe watsinze amanota menshi muri uyu mukino aho yatsize 33 anatanga imipira 9 yavuyemo amanota, mu gihe Anthony Davis bakinana yatsinze amanota 32.
Jimmy Butler yafashije cyane ikipe ya Miami Heat mu gace ka gatatu n'akanyuma k'umukino, kuko yatsinze amanota 25 anatanga imipira 13 yavuyemo amanota, nubwo bitahaye intsinzi ikipe ye.
LA Lakers imaze gutsinda imikino ibiri ya mbere mu kinino irindwi aya makipe azakina kugira ngo hagaragare ikipe yegukanye igikombe.
Umukino wa wa gatatu uzahuza aya makipe, uzaba mu rukerera rwo ku wa mbere tariki ya 5 Ukwakira 2020 nawo ukazabera kuri AdventHealth Arena ariko ukazakirwa na Miami Heat mu gihe imikino ibiri ya mbere yakiriwe na LA Lakers.
LeBron James niwe watsinze amanota menshi muri uyu mukino
/cloudfront-us-east-1.images.arcpublishing.com/tgam/UIJ3YRHPJ5LFXKAJNGUHBAZSL4.JPG)
Wari umukino utari woroshye ku mpande zombi
Miami Heat yatsinzwe umukino wa kabiri wikurikiranya
Jimmy Butler niwe watsinze amanota menshi ku ruhande rwa Miami
Eng
RSS 
/cloudfront-us-east-1.images.arcpublishing.com/sltrib/R3OR4PJSFFCIXPZTIFF72UTBZQ.jpg)
TANGA IGITECYEREZO