RFL
Kigali

Pogba yagarutse mu ikipe y'igihugu y'u Bufaransa nyuma yo gukira COVID-19

Yanditswe na: SAFARI Garcon
Taliki:1/10/2020 19:19
0

Paul Labile Pogba ukina mu kibuga hagati mu ikipe ya Manchester United, yongeye guhamagarwa n'umutoza w'ikipe y'igihugu y'u Bufaransa Didier Deschamps, nyuma yo gukira Coronavirus, Houssem Aouar wifuzwa cyane n'ikipe ya Arsenal ushobora gukina umukino wa mbere mu ikipe y'igihugu nkuru.



Paul Pogba yagarutse mu ikipe y'igihugu yitegura umukino wa gicuti izakina na Ukraine mbere yo gukina imikino ibiri y'irushanwa rya UEFA Nations League izahuramo na Portugal na Croatia.

Pogba w'imyaka 24 y'amavuko, yaherukaga guhamagarwa mu ikipe y'igihugu yiteguraga irushanwa rya UEFA Nations League mu kwezi gushize, ariko baza kumusangamo Coronavirus ahita asigara.

Magingo aya Pogba yarakize ameze neza ngo yiteguye kugaruka agafasha ikipe y'igihugu mu marushanwa yose izitabira.

Abakinnyi ba Bayern Munich barimo Benjamin Pavard, Kingsley Coman na Corentin Tolisso, nabo bongeye kugaruka mu ikipe y'igihugu nyuma yuko mu kwezi gushize batari bayigaragayemo kubera bari kumwe na Bayern Munich mu irushanwa rya UEFA Champions League, aho batsinze PSG ku mukino wa nyuma 1-0 bakayitwara igikombe.

Mu bakinnyi umutoza Deschamps yahamagaye, harimo na Houssem Aouar, wifuzwa cyane n'ikipe ya Arsenal, uyu mukinnyi ukina asatira ahamagawe mu ikipe nkuru y'u Bufaransa ku nshuro ya kabiri nyuma yuko ariwe wasimbuye Pogba mu kwezi nyuma yo gusanga yaranduye Coronavirus.

Eduardo Camavinga na Dayot Upamecano, bagaragaye ku bwa mbere mu ikipe y'igihugu ku mukino u Bufaransa bwakinnye na Sweden na Croatia mu kwezi gushize bongeye kugaruka mu bakinnyi  Didier Deschamps yitabaje kuri iyi nshuro.

URUTONDE RW'ABAKINNYI UMUTOZA DIDIER DESCHAMPS YAHAMAGAYE:

Abanyezamu: Hugo Lloris, Mike Maignan, Steve Mandanda

Ubwugarizi: Lucas Digne, Leo Dubois, Lucas Hernandez, Presnel Kimpembe, Clement Lenglet, Benjamin Pavard, Dayot Upamecano, Raphael Varane

Hagati mu kibuga: Eduardo Camavinga, N'Golo Kante, Steven Nzonzi, Paul Pogba, Adrien Rabiot, Corentin Tolisso

Ubusatirizi: Houssem Aouar, Wissam Ben Yedder, Kingsley Coman, Olivier Giroud, Antoine Griezmann, Anthony Martial, Kylian Mbappe.

Paul Pogba yongeye kugaruka mu ikipe y'igihugu y'u Bufaransa

Pogba ari mu bafatiye runini u Bufaransa mu kibuga hagati

Houssem wifuzwa na Arsenal yongeye guhamagarwa





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND