Zuchu ufashwa na Diamond Platnumz yagize icyo avuga ku cyaha bamushinja cyo kwiba indirimbo ya Tanasha Donna

Zuchu ubarizwa mu nzu itunganya umuziki y’umuhanzi Diamond Platnumz (WCB Wasafi) yagize icyo avuga ku cyaha yashijwaga cyo gukoresha amagambo atari aye mu ndirimbo ye nshya aherutse gusohora yise 'Cheche' yafatanyije n’umuhanzi Diamond Platnumz.

Mu kiganiro uyu muhanzikazi aherutse kugirana na kimwe mu gitangazamakuru cyo mu gihugu cya Tanzaniya, yavuze ko byamutunguye cyane kumva bamushinja kuba yaribye amagambo (Lyrics) yo mu ndirimbo ya Tanasha Donna wahoze ari umugore wa Diamond Platnumz.

Zuchu yakomeje avuga ko ari we ku giti cye wiyandikiye buri jambo rigize iyi ndirimbo Cheche. Uyu muhanzikazi akomeza avuga ko yumvise indirimbo ya Tanasha ‘Ride’ yafatanyije n’umuraperi w’umunyakenya Khaligraph bamushinja kwiba amagambo yayo, ndetse ko yasanze nta huriro riri hagati yiye yise Cheche.

Yakomeje avuga ko mbere yo kwandika iyi ndirimbo yabanje guhabwa Beats zitandukanye na producer we kugira ngo atekereze amagambo aribukoreshe mu ndirimbo. Nyuma ngo nibwo yaje gutekereza ko yakoresha umurongo w’icyesipanyolo ‘Yo te quiero’ bishatse kuvuga ngo ‘Ndagukunda’ kuko yumvaga bijyanye n’injyana.

Zuchu avuga ko atigeze yiba indirimbo ya Tanasha

Mu magambo ye yagize ati:”Cheche ntago ari icyintu nigeze niba umuntu uwo ariwe wese. Ninge wayiyandikiye kuva ku ntangiriro Ndarahiye! Ntabwo nzi Manager wa Tanasha, ntago ndamubona. Gusa byose mbirekeye Imana”.

Zuchu yatangaje ko ubwa mbere yumva aya makuru yari ahuze cyane nta mwanya yari afite ndetse ko yarambiwe kumva buri munsi abantu bamushinja kwiba iyi ndirimbo ye yise Cheche.

Src: Kenyan Report