Abakinnyi 10 b'umupira w'amaguru bari kwinjiza amafaranga menshi mu 2020: Messi ku isonga

Ku mwanya wa

10. David de Gea

Umunyezamu w'ikipe ya Manchester United ni we uza ku mwanya wa cumi aho kuri ubu ari kwinjiza akayabo ka $ 27 million. De Gea usanzwe ari n'umunyezamu wa mbere w'igihugu cya Espagne, ayoboye urutonde rw'abakinnyi bahembwa menshi muri shampiyona y'u Bwongereza gusa ubona ko ku ruhande rwo kwamamaza rukiri hasi.

09. Robert Lewandowski

Rutahizamu wa Bayern Munich Lewondowski turamusanga ku mwanya  wa cyenda aho yinjiza $ 28 Miliyoni. Robert Lewandowski kandi nk'uko bigaragara ashobora gukomeza kuzamuka kuri uru rutonde nyuma yo kwegukana igikombe cya Champions League ari kumwe na Bayern Munich.

 8. Gareth Bale

N'ubwo muri iyi minsi atameraranye neza n'ikipe ye Gareth Bale araza ku mwanya wa munani akaba ari kwinjiza $29 miliyoni. Abakurikiranira hafi uyu mukinnyi bavuga ko kubera ikibazo cy' imikino micye, byatumye agaruka inyuma ku baterankunga.

7. Antoine Griezmann

Griezmann watwaranye igikombe cy'isi na Barcelona akaba asanzwe yatakira ikipe ya FC Barcelona ni we uza ku mwanya wa karindi akaba yinjiza $ 33 Miliyoni.

6. Paul Pogba

Umukinnyi wa mbere wa Manchester United uza kuri uru rutonde ni Paul Pogba uza kumwa wa Gatandatu akaba ari kwinjiza $ 34 miliyoni muri uyu mwaka.

5.Mohamed Salah

Rutahizamu wa Liverpool Salah ni we mukinnyi winjiza amafaranga menshi muri shampiyona y'u Bwongereza ndetse akaza ku mwanya gatanu mu bakinnyi bari kwinjiza amafaranga menshi mu 2020 aho yinjiza $ 37 Miliyoni.

4. Kylian Mbappe

Ni umwe mu basore bakiri bato banatanga icyizere cy'ejo hazaza. Kylian Mbappe yaje ku mwanya wa kane mu bakinnyi bari kwinjiza amafaranga menshi aho yinjiza $ 42 Miliyoni.

3. Neymar

Neymar aza ku mwanya wa wa gatatu mu bakinnyi b'umupira w'amaguru binjiza amafaranga menshi mu 2020 akaba yinjiza $96 Miliyoni.

2. Cristiano Ronaldo

Ronaldo ni we muntu ukora siporo by'umwuga ku isi ukurikirwa n'abantu benshi ku mbuga nkoranyambaga, akaba akurikirwa n'abantu barenga miliyoni 457. Ronaldo kandi aza ku mwanya wa kabiri mu bakinnyi binjiza amafaranga menshi aho yinjiza $ 117 miliyoni.

1. Lionel Messi

Umukinnyi wa FC Barcelona Lionel Messi n'ubwo mu minsi ishize, umubano we na Barcelona utari umeze neza, ntibikuraho kuba umukinnyi winjiza amafaranga menshi mu bakinnyi b'umupira w'amaguru aho yinjiza $ 126 miliyoni.