Rayon Sports yongeye kwishyuzwa amafaranga amaze imyaka itanu yaratereye agati mu ryinyo

Kombi Billy yahagaritswe na Rayon Sports kuyitoza tariki 29 Nyakanga  2014 bamubwira ko bagomba gusesa amasezerano, gusa bidatinze Kombi Billy yatangiye inzira zo kwishyuza iyi kipe ari bwo yagezaga ikirego cye mu kanama ka FERWAFA gashinzwe imyitwarire yishyuza Rayon Sports 1.200.000 Frw

Nyuma yaho tariki 02 Ugushyingo 2015 akanama kategetse Rayon sports kwishyura Kombi Billy amaranga angana na 1.200.000 Frw. Gusa kuva ubwo nk'uko uru rwandiko rubivuga iyi kipe yatereye agati mu ryinyo. Mbusa Kombi Billy abaye umutoza wa kabiri wishyuza Rayon Sports amafaranga imubereyemo ndetse akanayijyana mu nkiko nyuma ya Ivan Minnaert wishyuza iyi kipe ikomoka i Nyanza akayabo ka 13.000.000 Frw.