RFL
Kigali

Perezida Muhammadu Buhari wa Nigeria yamaganye abayobozi bo mu karere k'Afurika y'uburengerazuba bashaka manda ya gatatu

Yanditswe na: Niyibizi Honoré Déogratias
Taliki:8/09/2020 13:19
0

Umugabane wa Afurika ni umwe mu migabane abayobozi bibihugu bakunze gushinjwa kuguma k’ubutegetsi bakanga k’uburekura.Kuri ubu Perezida w’igihugu cya Nigeria Muhammadu Buhari yamaganye abayobozi badashaka kurekura ubutegetsi.



Ku munsi wejo nibwo habaye inama y'umuryango w'ubukungu w'ibihugu by'Afurika y'uburengerazuba (CEDEAO/ECOWAS) yabereye i Niamey mu murwa mukuru wa Niger,iyi nama ikaba yarize no ku kibazo cya politike muri Mali.

Muri iyo nama Perezida Muhammadu Buhari wa Nigeria yasabye abategetsi bo mu karere k'Afurika y'uburengerazuba kubahiriza igihe cya manda giteganywa n'itegekonshinga.Buhari akaba atangaje aya magambo nyuma yuko Perezida Alassane Ouattara wa Côte d'Ivoire na Perezida Alpha Condé wa Guinée-Conakry batangaje ko baziyamamaza kuri manda ya gatatu mu bihugu byabo mu matora yo muri uyu mwaka.

Mu mpera y'ukwezi kwa karindwi, ishyaka riri ku butegetsi muri Côte d'Ivoire ryagennye ku mugaragaro Perezida Ouattara ngo aziyamamaze kuri manda ya gatatu mu matora ateganyijwe kuba mu kwezi gutaha.

Ibi bikaba byarabaye nyuma yuko mu kwezi kwa gatatu uyu mwaka, Bwana Ouattara w'imyaka 78 - umaze imyaka 10 ku butegetsi - yari yavuze ko urubyiruko rukwiye guhabwa umwanya wo gutegeka, avuga ko atazongera kwiyamamaza.

Amadou Gon Coulibaly wari Minisitiri w'intebe we ndetse yifuzaga ko ari we wamusimbura, yapfuye azize umutima ku itariki ya 8 y'ukwezi kwa karindwi.

Icyemezo cya Bwana Ouattara cyo kongera kwiyamamaza cyateje imyigaragambyo mu gihugu. Abamunenga bavuga ko kinyuranyije n'itegekonshinga.

No mu gihugu gituranyi cya Guinée-Conakry habaye imyigaragambyo irimo urugomo nyuma yuko Perezida Condé w'imyaka 82 avuze ko aziyamamaza mu matora ateganyijwe kuba mu kwezi gutaha kwa cumi, kuri manda ya gatatu itavugwaho rumwe.Bwana Condé amaze imyaka 10 ku butegetsi.

Iyo nama y'umunsi umwe y'umuryango wa CEDEAO yitabiriwe n'abakuru b'ibihugu umunani - muri 15 biwugize - barimo ba perezida wa Ghana, Sénégal na Burkina Faso.

Src:BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND