RFL
Kigali

Coronavirus: Urukingo rwakozwe n’u Burusiya rwagaragaje ko rushobora kongere ubwirinzi bw'umubiri

Yanditswe na: Niyibizi Honoré Déogratias
Taliki:5/09/2020 15:31
0

Mu kwezi gushize ni bwo igihugu cy’Uburusiya cyatangaje ko cyamaze kuvumbura urukingo rwa Coronavirus ndetse ko rugiye gutangira gutangwa. Kuri ubu Raporo y'ubushakashatsi ivuga ko uru rukingo rw'Uburusiya 'rukangura ubwirinzi bw'umubiri' bigafasha umubiri kwirinda.



Mu kwezi gushize kwa munani, leta y'Uburusiya yahaye uruhushya urwo rukingo ngo rukoreshwe imbere mu gihugu.Uburusiya bwahise buba igihugu cya mbere gitanze urwo ruhushya ku rukingo rwa coronavirus.

Nkuko bbc dukesha iyi nkuru ibitangaza ivuga ko abashakashatsi  muri siyansi bo mu Burusiya batangaje raporo ya mbere ku rukingo rwabo rwa coronavirus, bavuga ko amagerageza y'ibanze agaragaza ko rutuma ubwirinzi bw'umubiri bukanguka.Bimwe mu byavuye muri ubu bushakashatsi byabo yasohotse mu kinyamakuru cy'ubushakashatsi mu buvuzi cya The Lancet.

Bimwe mu byavuye muri ubu bushakashatsi bigaraza ko buri muntu wakoreweho ubushakashatsi yagize abasirikare b'umubiri bo kurwanya iyo virusi kandi ko nta ngaruka zikomeye rwagize ku baruhawe.

Nubwo ariko igihugu cy’Uburusiya cyatangaje ibi hari Inzobere zivuga ko abageragerejweho urwo rukingo rw'Uburusiya ari bacye cyane kuburyo bitagaragaza niba ari ingirakamaro kandi niba nta kibazo rwateza ku buzima ndetse bamwe mu nzobere z'i Burayi n'Amerika bagaragaje impungenge ku muvuduko w'ubwo bushakashatsi bw'urukingo rw'Uburusiya, bavuga ko abashakashatsi b'Uburusiya bashobora kuba barimo gusimbuka ibyiciro by'ingenzi.

Gusa ariko ubuyobozi bw'Uburusiya bwashimagije ibyatangajwe muri iyo raporo y'ubushakashatsi, buvuga ko ari igisubizo ku bahinyura (banenga) urukingo rw'Uburusiya. Mu kwezi gushize kwa munani, Perezida Vladimir Putin w'Uburusiya yavuze ko urwo rukingo rwanyuze mu nzira zose z'igenzurwa zisabwa ndetse ko umwe mu bakobwa be na we yahawe urwo rukingo.

Src: BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND