RFL
Kigali

Amafranga 10 ya mbere afite agaciro kanini kurusha ayandi yose ku Isi

Yanditswe na: Niyibizi Honoré Déogratias
Taliki:20/08/2020 7:16
2


Utekereza ko ari ayahe mafranga menshi ku isi muri iki gihe?Abantu benshi baziko ama Pound yo mu Bwongereza ariyo afite agaciro kurusha ayandi. Ariko mubyukuri, ntabwo aribyo.



Ni kenshi uhura n’abantu bakakubwira ko agaciro k’ifaranga runaka katakaye bashingiye ku kuba uko iminsi igenda ishira ari ko n’amafaranga bakenera mu kugura ibintu runaka yiyongera. Uzasanga mu bihugu nka Zimbabwe bakubwira ko kugira ngo ugure umugati usabwa kwitwaza igifurumba cy’amadolari y’iki gihugu.

Agaciro k’ifaranga ry’igihugu ni ingingo yitabwaho cyane mu bukungu bwacyo kuko ari ko kagena ubuhahirane hagati y’abagituye ndetse n’amahanga. Usanga gapimirwa ku idolari cyangwa andi akoreshwa ku masoko y’igihugu runaka. Usanga agaciro gahindagurika bitewe n’ishusho y’ubukungu bw’Isi, akarere n’igihugu.

Kuri ubu INYARWANDA.COM yabateguriye urutonde rw’amafaranga afite agaciro kari hejuru kurusha ayandi yose ku isi.Muri iyi nkuru agaciro kaburi faranga twagapimiye ku idolari ry’amerika.Mu busanzwe idolari ry’amerika rimwe ringana n’amafaranga 965.53 y’u Rwanda.

Dore urutonde rw’amafanga 10 afite agaciro kari hejuru ugereranyije nayandi.

10. Canadian dollar(CAD)

Amadolari ya Canada niyo aza ku mwanya wa cumi mu kugira agaciro kari hejuru ugereranyije n’ayandi yose kw’isi.Ugereranyije n’amadolari y’Amerika ayamafaranga azwi nka ‘Canadian dollar(CAD)’ akubye 0.75 amadolari y’Amerika ni ukuvugako 1 Canadian dollar ringana n’amadolari y’amerika 0.75(1 CAD = 0.75 USD).

9. US Dollar(USD)


Amadolari y’Amerika(USD) ni amwe mu mafaranga afite agaciro kari hejuru ugereranyije n’ayandi yose ku isi.Akaba aza ku mwanya wa 9 ku isi,ugereranyije n’amafaranga akoreshwa mu Rwanda ‘Rwandan franc(RWF) amadolari y’amerika akubye inshuro 965.53 amafaranga akoreshwa mu Rwanda.Ni ukuvugako 1USD ingana n’amafaranga 965.53 y’u Rwanda.

8. Swiss Franc(CHF)

Ubusuwisi ni igihugu giherereye k’umugabane w’Uburayi.Amfaranga akoreshwa muri iki gihugu aza ku mwanya wa munani mu kugira igiciro kiri hejuru. Ugereranyije n’amadolari y’Amerika, amafaranga akoreshwa mu gihugu cy’Ubusuwisi azwi nka ‘Swiss Franc(CHF) akubye 1.10 amadolari y’Amerika ni ukuvugako  1 Swiss Franc(CHF) ingana n’amadolari y’Amerika 1.10.

7. European Euro(EUR)

Amafanga akoreshwa k’umugabane w’uburayi azwi nk’amayero ‘European Euro (EUR)’ niyo aza ku mwanya wa karindwi mu kugira igiciro kiri hejuru. Ugereranyije n’amadolari y’Amerika,amayero(EUR) akubye 1.19 amadolari y’Amerika ni ukuvugako  1 European Euro ingana n’amadolari y’Amerika 1.19.

6. Cayman Islands Dollar(KYD)

Amafaranga akoreshwa mu kirwa cya Cayman niyo aza ku mwanya wa gatandatu mu kugira agaciro kari hejuru.Aya mafaranga akaba azwi nka ‘Cayman Islands Dollar(KYD). Ugereranyije n’amadolari y’Amerika,amadolari yo muri Cayman akubye 1.22 amadolari y’Amerika ni ukuvugako  1 Cayman Islands Dollar ingana n’amadolari y’Amerika 1.22.

5. British Pound Sterling(GBP)

Ubwongereza ni igihugu giherereye k’umugabane w’uburayi.Amafaranga akoreshwa muri iki gihugu niyo aza kumwanya wa gatanu mu kugira agaciro kari hejuru ugereranyije n’andi mafaranga.Aya mafaranga akaba azwi nk’amapawundi ‘British Pound(GBP)’. Ugereranyije n’amadolari y’Amerika,amafaranga y’amapawundi ‘British pound’ akubye 1.31 amadolari y’Amerika ni ukuvugako  1 British Pound ingana n’amadolari y’Amerika 1.31.

4. Jordan Dinar(JOD)

Jordan ni igihugu giherereye mu burasirazuba bw’Umugabane wa Aziya.Nubwo iki gihugu kidafite ubutunzi bwinshi burimo peteroli n’amabuye y’agaciro ntibibuza ko amafaranga yiki gihugu aza ku mwanya wa kane mu kugira igiciro kiri hejuru.Ikigihugu kikaba gifite amafaranga azwi nka ‘Jordan Dinar(JOD)’. Ugereranyije n’amadolari y’Amerika,amafaranga yo muri Jordan akubye 1.41 amadolari y’Amerika ni ukuvugako  1 Jordan Dinar ingana n’amadolari y’Amerika 1.41.

3.Oman Rial(OMR)


Oman ni igihugu kiri mu gice cy'Abarabu. Iki gihugu kikaba gifite ubukungu bwateye imbere n’ubuzima bwiza kubagituye.Amafaranga yo mu gihugu cya Oman niyo aza ku mwanya wa gatatu mu kugira agaciro kari hejuru ugereranyije n’ayandi yose ku isi.Aya mafaranga azwi nka ‘Oman Rial (OMR)’. Ugereranyije n’amadolari y’Amerika,amafaranga yo muri Oman akubye 2.60 amadolari y’Amerika ni ukuvugako  1 Oman Rial ingana n’amadolari y’Amerika 2.60.

2. Bahrain Dinar(BHD)

Bahrein ni igihugu cy’ikirwa cy’Ubuperesi gifite abaturage barenga miliyoni imwe gusa. Nkuko byari bimeze mbere, iki gihugu kinini cyinjiza amafaranga ni "zahabu yumukara" yoherezwa hanze y’iki kirwa.

Amafaranga yo muri iki kirwa cya Bahrain niyo aza ku mwanya wa kabiri mu kugira agaciro kari hejuru ugereranyije n’ayandi mafaranga akoreshwa ahandi hose kw’isi.Aya mafaranga azwi nka ‘Bahrain Dinar (BHD)’. Ugereranyije n’amadolari y’Amerika,amafaranga yo muri Bahrein akubye 2.66 amadolari y’Amerika ni ukuvugako  1Bahrain Dinar(BHD) ingana n’amadolari y’Amerika 2.66.

1.Kuwaiti Dinar(KWD)

Amafaranga yo mu gihugu cya Kuwait(Kowete) giherereye mu burasirazuba bw’umugabane wa Aziya niyo aza ku mwanya wambere mu kugira agaciro kari hejuru akabazwi nka ‘Kuwaiti Dinar(KWD)’. Ugereranyije n’amadolari y’Amerika,amafaranga yo muri kowait akubye 3.27 amadolari y’Amerika ni ukuvugako  1Kowait Dinar(KWD) ingana n’amadolari y’Amerika 3.27.

Mu busanzwe Koweti ni igihugu gito gifite ubutunzi bwinshi. Bitewe n’ubukungu buhamye bushingiye kuri peteroli, umusaruro w’ibikomoka kuri peteroli n’ibyoherezwa mu mahanga, Koweti ifatwa nka kimwe mu bihugu bikize ku isi.

Amafaranga arenga 80% y’igihugu yinjira mu nganda zikomoka kuri peteroli, kubera ko umusaruro wa peteroli hano ariwo woroshye, bityo, uhendutse mu bindi bihugu.

Kuva mu 2003, ifaranga ryiki gihugu ryahawe agaciro kangana nak’ amadolari y'Abanyamerika, ariko mu 2007 guverinoma ifata icyemezo cyo gushyira Dinar ya Koweti ku giciro kiri hejuru y’Amadolari y’Amerika,bihita bituma ari nayo mafanga ahenze kurusha ayandi yose ku isi.

Usibye ubukungu butajegajega, Koweti ni igihugu kitagira umusoro gisaba ndetse gifite umubare muto w'abashomeri.

Src:fxssi.com






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • NIYONZIMA JEAN CLAUDE3 years ago
    NJYEWE KUBWANJYE MBONA NTANYUNGU NAYAHA KUKO NTABWO AMAFARANGA YAFRICA ADAHAWE AGACIRO NTACYO BIVUZE. KUKO AMAFARANGA YOMURI AFRIKA KUBERIKI NTAGACIRO AHABWA?
  • NIYONZIMA JEAN CLAUDE3 years ago
    Kubijyanye n'amafaranga yomuri afrika.kuberiki mutayaha agaciro nukuberiki





Inyarwanda BACKGROUND