RFL
Kigali

Namibia iraburira abaturage bayo kutizera amakuru avuga ko umwanda uturuka mu nzovu ari umuti wa COVID-19

Yanditswe na: Muhawenimana Faridi
Taliki:18/08/2020 23:05
0

Guverinoma ya Namibia iraburira abaturage bayo ko badakwiye guha Agaciro Amakuru yaciye ibikuba ku mbuga nkoranyambaga, avuga ko umwanda (amazira ntoki) w’ inzo waba ari umuti wa koronavirusi. Ibi biravugwa, ari nako imibare y’ ubwandu muri iki gihugu izamuka.



Leta ya Namibia iraburira abaturage kudaha Agaciro ibinyura ku mbuga nkoranyambaga, bivuga ko umwanda uturuka mu nzovu waba uvura covid-19.

Minisitiri w’ Ibidukikije, Amashyamba n’ Ubukerarugendo muri Namibia, Romeo Muyunda, yatangarije ikinyamakuru Reuters ko guverinoma ye yabonye ko umwanda uturuka mu nzovu uri kugurushwa ku giciro gihanitse cyane, bivugwa ko ari umuti wa covid-19.

Twabonye ku mbuga nkoranyambaga abantu bagurisha umwanda w’ inzovu ku biciro bihanitse, Minisitiri Muyunda.

Ku ruhande rwa Minisiteri y’ Ubuzima muriiki gihugu, umuyobozi wayo Kalumbi Shangula avuga ko uvuga wese ko uwo mwanda w’ inzovu uvura covid-19, ibyo avuga bifatwe nk’ aho atari ukuri.

N’ ubwo inzego za Leta muri iki gihugu zigaragaza ko aya makuru atari yo, abavuzi ba gakondo muri iki gihugu, bemeza ko uyu mwanda w’ inzovu wari usanzwe uvura ibindi birimo n’ umutwe, ko wanavura icyorezo kibasiye isi; COVID-19.

Kugeza kuri uyu munsi ntabwo haraboneka umuti cyangwa urukingo rwemejwe n’ Ishami ry’ Umuryango w’ Abibumbye ryita ku Buzima (OMS). Gusa, uduce tumwe na tumwe mu isi ntitubura kugenda twumvikanamo Amakuru avuga ko habonetsemo umuti cyangwa se urukigo, n’ ubwo hari ibigo bizobereye mu byo gukora imiti n’ inking birenga 100 biri mu rugamba rwo kubona urukingo rwa covid-19.

Namibia bivugwa ko yaba yabonetsemo umuti uturutse mu mwanda w’ inzovu, yatangaje ko hamaze kuboneka abarwayi bagera ku 4,464, imfu z’ abantu 37.

Src:Reuters






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND