RFL
Kigali

Tanzanite: Saniniu Laizer wacukuye ibuye rikamuhesha Miliyoni $3.4 yongeye kuvumbura irindi rimuhesha izindi

Yanditswe na: Eric Misigaro
Taliki:4/08/2020 12:37
0

Laizer ni umucukuzi w’amabuye y'agaciro uciriritse wamamaye bwa mbere ubwo yabonaga akayabo benshi bagatungurwa aha hari mu kwezi kwa 6 aho yagurishije amabuye abiri ya Tanzanite kuri Miliyoni 3.4 z'amadolari y'Amerika. Kuri iyi nshuro yagurishije irindi buye kuri Miliyoni ebyiri z'amadolari.



Uyu mucukuzi w'amabuye y'agaciro uri muckiciro cy'abaciriritse biravugwa ko magimgo aya, nawe yahise ajya ku rutonde rw'abatunzi mu gihe kitarenze amezi abiri gusa. Aya mafaranga yose uyu  mugabo atunze uyashyize mu mafaranga y’u Rwanda ararenga miliyari imwe na miliyoni 900. Iri ribuye rya gatatu Saniniu Laizer yaguyeho ripima 6,3kg.

Ibuye ry'agaciro rya Tanzanite riboneka gusa mu Majyaruguru ya Tanzania. Rikoreshwa mu gukora imitako. Ni rimwe mu mabuye y'imbonekarimwe ku isi. Impuguke mu bumenyi bw'amabuye y'agaciro ivuga ko mu myaka 20 iri imbere aya mabuye ashobora kuzaba yarashizeho burundu ku isi.


Ubwiza bw'iribuye bushingiye ku mabara yaryo atandukanye, arimo icyatsi kibisi, umutuku, 'violet' (purple) n'ubururu.  Agaciro karyo kagenwa no kuba imbonekarimwe kwaryo - uko ibara rirushaho kuba ricyeye cyane, ni nako igiciro kiyongera.

Bwana Laizer yagiriye inama abacukuzi baciriritse bagenzi be kujya bakorana na leta, avuga ko ibyamubayeho bikwiye kubabera urugero rwiza. Mu muhango wabereye ku kirombe cya Mirerani mu Majyaruguru y'igihugu, yagize ati: "Kugurisha na leta bivuze ko nta kunyura ku ruhande... bakorera mu mucyo".

Nkuko BBC dukesha iyi nkuru ibivuga, uyu mugabo nyuma yo kugira inama bagenzi be bacukura amabuye ariko babikora mu buryo bwa gakondo nabo batangaje ko binubira ko batinda guhembwa na ba nyir'ibirombe.  

Src:bbc 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND