RFL
Kigali

Mikel Arteta yahaye isezerano rikomeye Aubameyang niyemera kongera amasezerano muri Arsenal

Yanditswe na: SAFARI Garcon
Taliki:3/08/2020 15:26
0

Nyuma yo kwegukana igikombe cya FA Cup nyuma y’amezi umunani ayigezemo nk’umutoza mukuru wa Arsenal, Mikel Arteta, yasezeranyije rutahizamu Pierre Emerick Aubameyang watsinze ibitego bibiri byatumye iyi kipe itwara igikombe, ko niyongera amasezerano azahabwa ubushobozi bwose ndetse ari nawe uzubakirwaho ikipe nshya.



Mikel Arteta wanditse amateka yo gutwara igikombe cya FA Cup ari umukinnyi ndetse akanagitwara ari umutoza aherutse gutangaza ko ari kugerageza ibishoboka byose kugira ngo rutahizamu ukomoka muri Gabon, Pierre Emerick Aubameyang ufatiye runini iyi kipe yongere amasezerano.

Nyuma yo gutsinda ibitego bibiri ku mukino wa nyuma w’igikombe cya FA, byatumye iyi kipe yegukana igikombe cya 14 mu mateka ikomeza guca agahigo ko kwegukana ibikombe bya FA Cup byinshi kurusha andi makipe, Arteta yatangaje ko Aubameyanga azahabwa ubushobozi bwose mu kibuga ndetse akaba ari we uzubakirwaho ikipe nshya niyemera kongera amasezerano.

Ygize ati “Nizeye ko mu cyumweru gitaha tuzakira amakuru mashya. Byose bizaterwa n’ikiganiro tuzagirana, uko abona ahazaza he n’icyo mwitezeho ndetse nshaka kumwubakiraho ikipe. Arabizi ko nshaka kubakira ikipe kuri we. Ndabizi ko ashaka kuguma hano kandi igisigaye ni uko twumvikana”.

”Ibiganiro biri hagati y’abantu yubaha, ikipe iramukunda kandi iramwizera, abakinnyi bose baramushyigikiye kandi twese tumuha agaciro. Nitubasha kumvikana buri kintu, azemera gusinya amasezerano”.

Umutoza Arteta yijeje abakunzi ba Arsenal ko uyu mukino wa nyuma wa FA Cup atariwo wa nyuma Aubameyang akiniye ikipe ya Arsenal, gusa bivugwa ko uyu munya Gabon ashaka kwerekeza mu makipe akomeye.

Aubameyang yabaye umukinnyi wa kabiri wa Arsenal uyitsindiye ibitego bibiri ku mukino wa nyuma wa FA Cup, inyuma ya Reg Lewis mu 1950.

Ku myaka ye 31 n’iminsi 44, Aubameyang ni we mukinyi wa kabiri ufite imyaka myinshi utsindiye Arsenal mu mikino y’igikombe cya FA, inyuma ya Robert John mu 1932 wari ufite imyaka 33 n’iminsi 80.

Arsenal yegukanye FA Cup ya 14 nyuma yo gutsinda Chelsea


Aubameyang yafashije Arsenal kwegukana igikombe cya FA Cup uyu mwaka

  Arteta yifuza ko Aubameyang yongera amasezerano





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND