RFL
Kigali

Afrika y’Epfo: Abanduye coronavirus baragera ku 500.000

Yanditswe na: Liliane Kaliza
Taliki:3/08/2020 13:16
0

Afurika y'Epfo yamaze kurenga 500.000 by’abanduye COVID-19, bingana na 50% by’abanduye coronavirus mu bihugu 54 bya Afurika.



Minisitiri w’ubuzima Zwelini Mkhize yatangaje ko abantu 10,107 banduye muri iyi week end ishize bituma umubare rusange  ugera ku 503.290, harimo n’abapfuye 8.153.

Afurika y'Epfo, ituwe n'abaturage bagera kuri miliyoni 58, ifite umubare wa gatanu mu bihugu bifite abantu banduye ku isi, inyuma ya Amerika, Burezili, Uburusiya n'Ubuhinde

Intara ya Gauteng yo muri Afurika y'Epfo - irimo umujyi munini wa Johannesburg ni naho hari icyorezo cyane kuko hari 35% by’abanduye. Ibitaro byaho byagowe  no guhangana n’iki kibazo, kandi inzobere mu buzima zivuga ko iki gihugu gishobora kugera ku rwego rubi mu mpera za Kanama cyangwa mu ntangiriro za Nzeri.

Impuguke mu by'ubuzima zivuga ko Cape Town, umujyi ukundwa na ba mukerarugendo mpuzamahanga mu majyepfo y’iki gihugu, ufite abarwayi benshi na wo kandi wageze ku rwego rwo hejuru  mu kwandura mu kwezi gushize kwa Nyakanga

Afurika y'Epfo yashyizeho uburyo bukomeye bwo gufunga muri Mata na Gicurasi bigira uruhare mu kugabanya ikwirakwizwa rya virusi ariko byangiza ubukungu ku buryo igihugu cyatangiye gufungura buhoro buhoro muri Kamena.

Afurika y'Epfo yari isanzwe itameze neza mu bukungu mbere yuko coronavirus yibasira iki gihugu kandi ubushomeri buhagaze 30%. Guverinoma ya Perezida Cyril Ramaphosa yongereye inkunga ku bakennye kurusha abandi mu gihugu, yongera ibikoresho ku bitaro kandi iherutse kwakira inguzanyo ya miliyari 4.3 z'amadorali yatanzwe n'ikigega mpuzamahanga cy'imari.

Src: AP

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND