Airtel Rwanda
Kigali

Egypt: Abakobwa bakurikirwa cyane kuri Tik Tok bakatiwe gufungwa imyaka 2 banacibwa hafi Miliyoni 18 Frw kubera ‘videos ziteye isoni’

Yanditswe na: Eric Misigaro
Taliki:28/07/2020 13:40
0

Urubuga rwa Tik tok ruri mu zimaze kwigarurira imitima ya benshi ku Isi, kuri iyi nshuro urukiko rwo mu Misiri rwahanishije igifungo cy'imyaka ibiri abakobwa batanu kubera gushyira kuri TikTok amashusho y'urukozasoni.



Urukiko rwo muri Egypt rwashinji aba bakobwa bagera kuri 5 icyaha cyo gukwirakwiza amafoto y’urukozasoni. Aba bakobwa barimo; Haneen Hossam, Mowada al-Adham n’abandi batatu batatangajwe amazima, bakatiwe igifungo cy'imyaka ibiri ndetse bagatanga n’amafaranga agera ku bihumbi magana atatu akoreshwa muri Egypt angana na $18,750 ajya kungana na Miliyoni 18 z'amafaranga y’u Rwanda.

Haneen Hossam na Mowada Al-Adham 

Nyuma y'uko imbuga nkoranyambaga zimaze gufata indi intera muri iyi minsi iki gihano cyo gufungwa ni cyo cya mbere gitanzwe nyuma y'aho iki gihugu gitangije ibikorwa bigamije guhashya abakora ibikorwa bihabaye n’umuco.

Ku rundi ruhande, abatavuga rumwe na leta bari gusaba ko aba bafunzwe barekurwa vuba bishoboka. Nk'uko byatangajwe na Al-Ahram ikinyamakuru cya leta aba bakobwa barasabwa gutanga aya mafaranga angana n’ibihumbi magana atatu akoreshwa muri iki gihugu.

Al-ahram iti "Barashinjwa kurenga ku muco n'ibigenga umuryango w'Abanyamisiri, batangaza amafoto n'amashusho ateye isoni abangamiye imyifatire ya rubanda". Abakobwa batatu batatangajwe amazina nabo bashinjwa imyifatire idakwiriye mu guhamagarana n'abagabo bakoresheje videwo.

Ni bwo bwa mbere urukiko mu Misiri ruhannye abagore bakurikirwa n'abantu benshi ku mbuga nkoranyambaga, ni nyuma y'uko mu gihe cya vuba hari benshi bafashwe bagafungwa cyane cyane abakobwa bazwi cyane kuri TikTok.

Umwe muri aba bakobwa witwa Hossam yafashwe mu kwezi kwa kane, amaze gutangaza videwo abwira abamukurikira bagera kuri miliyoni 1.3, ko abakobwa bashobora gukorera amafaranga mu gukorana nawe nk'uko AFP ibivuga.

Adham yafashwe mu kwezi kwa gatanu amaze gutangaza videwo yo gutebya kuri TikTok na Instagram aho afite nibura abantu miliyoni 2 bamukurikira. 

Bashinjwe ibyaha byo "gukangurira abandi icyaha" n'"ubukozi bw'ibibi" mu byo bashyira kuri izi mbuga, nubwo hatazwi neza neza amashusho n'amafoto abategetsi badashaka. Mu mategeko ya Misiri, ikirego cyo "gukangurira abandi icyaha" gikoreshwa mu gushinja abantu ibyaha bitandukanye.

Ubushinjacyaha kenshi busobanura iki cyaha nk'ikintu "kinyuranyije n'imico n'imigenzo by'Abanyamisiri". Ikoreshwa rya TikTok ryarazamutse cyane mu mezi macye ashize mu Misiri, kubera igihe leta yategetse abantu kuguma mu ngo mu kwirinda ikwirakwira rya Covid-19.

Src:bbc, Aljazeera  






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND