Airtel Rwanda
Kigali

ONU yasabye inkunga ya Miliyari 10,3$ inahishura ko abantu Miliyoni 265 bashobora kwicwa n’inzara mu 2020

Yanditswe na: David Mayira
Taliki:17/07/2020 13:05
0

Isi yugarijwe n’icyorezo cya Coronavirus, kimwe mu biri gutera ibihugu bitandukanye byaka inguzanyo bizishyura mu myaka izaza. Ubu naho Umuryango w'Abibumbye (ONU/UN) uri gusaba inkunga ya Miliyari 10,3 z'amadolari y'Amerika yo gufasha mu kurwanya iki cyorezo cya coronavirus.



Amakuru avuga ko iyi nkunga ya Miliyari zisaga 10, ni yo mafaranga ya mbere menshi cyane ONU isabye nk'inkunga. ONU ivuga ko abantu bagera kuri miliyoni 265 ku isi bashobora kwicwa n'inzara kugeza mu mpera z'uyu mwaka wa 2020 kubera ingaruka za Covid-19.

Diplomatie : 6 pays africains perdent leur droit de vote à l'ONU ...

Biteganyijwe ko ayo mafaranga y'inkunga agenerwa ibihugu biri mu nzira y'amajyambere n'ibirangwamo umutekano mucye. ONU yaburiye ko niba nta gikozwe kuri ubwo busabe bw'inkunga, iterambere ryagezweho mu myaka ibarirwa muri za mirongo ishize rizaba impfabusa.

Ubwo yasabaga inkunga bwa mbere mu kwezi kwa Gatatu, ONU yari yasabye miliyari 2 z'amadolari. BBC ivuga ko coronavirus iri kugira ingaruka zikomeye ku bihugu bikennye cyane kurusha ibindi ku isi. Iyi nkunga isabwa yanditse amateka yo kuba ari yo ya mbere menshi asabwe. ONU ivuga ko ibihugu bikize byateye utwatsi amategeko asanzwe agenga iby'imari bikarinda ubukungu bwabyo bwite.

ONU iburira ko niba bitabikoze, isi igiye kugarizwa n'urukurikirane rw'amage, abantu babarirwa muri za miliyoni bicwe n'inzara. Abakozi b'abimukira ubu batagifite akazi kubera kugabanywa kw'abakozi mu gihe cya 'Guma mu rugo', ubu ntibagishobye koherereza bene wabo bo mu bihugu bakomokamo amafaranga yo kubatunga.

Kugeza ubu, abantu barenga miliyoni 13 bamaze kwandura coronavirus ku isi, muri bo abagera hafi ku 600,000 imaze kubica, nk'uko imibare ya Kaminuza ya Johns Hopkins ibigaragaza.

Src: BBC






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND