Perezida wa Madagascar, Andry Rajoelina, yatangaje ko
abadepite babiri bapfuye nyuma yo kwandura coronavirus, nubwo yavugaga ko imiti
y'ibyatsi ikomeje kumufasha we n'umuryango we kwirinda COVID-19.
Rajoelina yavuze ko abadepite 11 hamwe n'abasenateri 14 na
bo basanganywe coronavirus, Rajoelina yagize ati: "Umudepite umwe
yarapfuye, Umusenateri umwe na we yarapfuye ". Nubwo yavuze gutya ariko yirinze
gutangaza amazina y’abapfuye n’igihe bapfiriye.
Kuri ubu Madagascar ifite abantu 5.080 bemejwe ko banduye
coronavirus n’abapfuye 37, nk'uko amakuru ya leta abitangaza.
Muri Mata, Rajoelina yatangije imiti y’ibyatsi
"Covid-Organics" avuga ko ikingira kandi ikiza coronavirus, n’ubwo OMS
yavuze ko atari byo Ati: "Nibyo koko nahuye n'abantu bashobora kuba bafite
coronavirus. Ndetse ninjiye mu bitaro byita ku barwayi barwaye COVID-19 ariko Meze
neza".
"Ntabwo mfite coronavirus na gato. Nta bimenyetso
mfite. Ndashimira Imana. Nkurikiza amabwiriza nihaye. Ariko ikiruta byose,
njyewe n'abo nkunda, umugore wanjye n'abana banjye, tunywa wa muti witwa Covid-Organics.
"
Rajoelina yohereje uwo muti mu mahanga, avuga ko ari
"zahabu y'icyatsi" mu gihugu "izahindura amateka". Ariko ubushakashatsi
ntabwo bwemeje uyu muti.
Src: Aljazeera