RFL
Kigali

UCL: Juventus ya Cristiano ishobora kwesurana na Real Madrid muri ¼ - TOMBOLA

Yanditswe na: SAFARI Garcon
Taliki:10/07/2020 14:40
0


Tombola ya 1/4 cya UEFA Champions League yabaye kuri uyu wa Gatanu, yarangiye amakipe y’ibigugu ashobora kongera gucakirana, aho izarokoka hagati ya Juventus/Lyon izahura n’izarokoka hagati ya Real Madrid/Manchester City, mu gihe izarokoka hagati ya Napoli / Barcelona izesurana n’izarokoka hagati ya Chelsea / Bayern München.



Cristiano Ronaldo ashobora kongera guhura Real Madrid yatwariyemo ibikombe 4 bya Champions League ndetse anahubakira amateka akomeye mu mwuga we, nk’uko byagenze mu mwaka ushize.

Kuri uyu wa Gatanu tariki 10 Nyakanga 2020, ku cyicaro cya UEFA habereye Tombola y’uko amakipe azahura muri ¼ ndetse na ½ cya UEFA Champions League, abagize amakipe akiri muri ri rushanwa bakaba bakurikiye tombola hifashishijwe ikoranabuhanga kubera icyorezo cya COVID-19.

Kugeza magingo aya amakipe yamaze kubona itike ya ¼ cy’irangiza yari Atalanta (ITA), Atlético (ESP), Leipzig (GER) na Paris Saint-Germain (FRA), mu gihe hasigaye imikino yo kwishyura hagati ya Chelsea / Bayern München, Napoli / Barcelona, Real Madrid (ESP) / Manchester City (ENG) ndetse na Lyon / Juventus.

Uko Tombola yabaye kuri uyu wa Gatanu yagenze:

1. Real Madrid (ESP) / Manchester City (ENG) vs Lyon (FRA) / Juventus (ITA)

2. Leipzig (GER) vs Atlético (ESP)

3. Napoli (ITA) / Barcelona (ESP) vs Chelsea (ENG) / Bayern München (GER)

4. Atalanta (ITA) vs Paris Saint-Germain (FRA)

Uko muri 1/2 imikino iteganyijwe:

Ikipe yatsinze muri 1/4 kuri nimero 1 izahura n’iyatsinze kuri nimero 3
Ikipe yatsinze muri 1/4 kuri nimero 2 izakura n’iyatsinze kuri nimero 4

UEFA Champions League izagaruka muri Kanama ikinwa nk’igikombe cy’isi aho izakinwa mu minsi 12 gusa ndetse izakinirwa mu mujyi umwe gusa wa Lisbon kugeza ku mukino wa nyuma uteganyijwe kuwa 23 Kanama 2020.

UEFA yemeje ko imikino ya 1/16 yo kwishyura izakinwa kuwa 07 Kanama ibere ku bibuga yagombaga guhita iberaho gusa imikino ya ¼ kugeza ku mukino wa nyuma, izakinwa hagati ya 12 Kanama kugeza kuwa 23 z’uko kwezi yose ibere I Lisbon.

Umukino wa nyuma wa UEFA Champions League uzabera nawo uzabera i Lisbon muri Portugal ku kibuga cya Benfica cyitwa Estadio da Luz nkuko byagenze mu mwaka wa 2014.

Izindi mpinduka zabaye n’uko imikino ya ¼ na ½ hazajya hakinwa umukino 1 wo gukuranamo nta mukino wa 2 nkuko byari bisanzwe. Imikino ya ½ izakinwa tariki ya 18 na 19 Kanama 2020.

Cristiano ashobora kwisanga ahanganye na Real Madrid yubakiyemo amateka akomeye

Bayern Munich ishobora kwisanga iri kumwe na FC Barcelona muri 1/4





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND