Ishami ry'Umuryango w'Abibumbye ryita ku Buzima OMS ryatangaje ko ibizamini byagaragaje ko imiti igabanya ubukana bwa Malariya yitwa hydroxychloroquine itagabanya impfu z'abarwayi ba COVID-19 bari mu bitaro.
Uretse kuba OMS ivuga ko yahagaritse ubushakashatsi ku ikoreshwa ry’umuti wa Hydroxychloroquine, ikigo cy’Amerika gishinzwe ibiryo n’ibiyobyabwenge (FDA) nacyo cyashimangiye iki cyemezo gikuraho ikoreshwa ry’iyi miti kubera ko basanze itabasha kuvura abarwayi ba Covid-19.
Gusa ku wa mbere, iki kigo cyavuze ko ubushakashatsi ku
mavuriro bwagaragaje ko Hydroxychloroquine idakora neza mu kuvura virusi kandi
ikaba yananiwe gukumira ubwandu ku bayanduye.
Mu gusubiza icyemezo cya FDA, Trump yavuze ko mbere yari yarafashe iyi miti mu rwego rwo kwirinda kandi ko nta ngaruka mbi yamugizeho. Ku wa mbere, yatangarije abanyamakuru ati: "Narayifashe kandi numvaga ari byiza kuyifata."
Yongeyeho ati: "Sinshobora kubyicuza, nayifashe ibyumweru
bibiri kandi ndacyariho. " Perezida w'imyaka 74 y'amavuko yavuze ko abantu
benshi bamubwiye ko iyi miti ikiza ubuzima bwabo.
Muri Gicurasi, Bwana Trump yatangaje ko yanyweye iyi miti nyuma
yuko abantu bamwe bo muri White House bari basanganywe Coronavirus ayifata mu
rwego rwo kwirinda.
Src: Aljazeera
TANGA IGITECYEREZO