Airtel Rwanda
Kigali

Ibyo ukwiye kumenya kuri Premier League yagarutse nyuma y’iminsi isaga ijana yarahagaze

Yanditswe na: SAFARI Garcon
Taliki:17/06/2020 16:06
0

Mu isura nshya, Shampiyona y’umupira w’amaguru mu Bwongereza ‘Premier League’ irasubukurwa kuri uyu wa Gatatu tariki 17 Kamena 2020, nyuma y’iminsi isaga ijana yarahagaritswe n’icyorezo cya coronavirus cyibasiye abatuye Isi.



Kuri uyu wa Gatatu tariki 17 ni bwo shampiyona y’u Bwongereza yaheruka gukinwa tariki 08/03/2020 iza gusubukurwa, ahaza gukinwa imikino ibiri yari yarasubitswe mbere y’uko shampiyona ihagarikwa kubera icyorezo cya Coronavirus.

Nyuma y’iminsi 101 Premier League idakinwa kubera icyorezo cya coronavirus, Aston Villa na Sheffield United ni wo mukino ubanziriza indi yose uyu munsi. Biteganyijwe ko imikino 92 isigaje gukinwa izarangira tariki 26 z’ukwezi gutaha kwa karindwi.

Imikino izajya ibera muri stade zitarimo abafana, ni imwe mu ngamba zo kwirinda ubundi bwandu bushya bw’iyi virus. Harafatwa umunota umwe wo kuzirikana abantu bishwe n’iki cyorezo mbere y’uko ruhago yongera guterwa ku mikino ya mbere.

Ku myenda y’abakinnyi haraba hariho udutambaro tw’ishusho y’umutima mu kwifatanya n’abakozi b’urwego rw’ubuzima bahanganye n’iki cyorezo. Ku mikino 12 ya mbere y’iki gice gisubukuwe, amazina y’abakinnyi inyuma ku myenda yabo azasimbuzwa ijambo "Black Lives Matter".

Ni nyuma y’iyicwa ry’umwirabura George Floyd muri Amerika ryateye inkubiri y’imyigaragambyo ahatandukanye ku isi.

Liverpool iri imbere ho amanota 25 iziyikurikiye, mu gihe Bournemouth, Aston Villa na Norwich City ziri inyuma. Liverpool ikaba irahatanira gutwara iki gikombe iheruka mu myaka 30 ishize.

Iramutse itsinze umukino wayo wa mbere muri uku gusubukura, naho iya kabiri Manchester City igatsindwa na Arsenal, izahita icyegukana.

Kuki Premier League igarutse ubu?

Mu gihe imibare y’abandura bashya igenda igabanuka mu Bwongereza leta igenda yoroshya ingamba zikomeye zari zarafashwe, amakipe agize Premier League nayo yumvikanye gusubukura ariko hari ingamba zo kwirinda.

Leta y’u Bwongereza nayo yemeye ko amarushanwa y’imikino ashobora gusubukura ariko nta bafana bari ku bibuga guhera tariki ya mbere z’uku kwezi kwa Gatandatu.

Amakipe yari amaze igihe gito asubukuye gukora imyitozo.

Abakinnyi ba Premier League n’abatoza bazakomeza gusuzumwa kabiri mu cyumweru, uwo basanzemo iyi ndwara ashyirwe mu kato iminsi irindwi.

Imikino iraba ryari?

Uyu munsi Aston Villa irahura na Sheffield United mu mukino ufungura guhera saa moya z’ijoro ku isaha yo mu Burundi no mu Rwanda.

Uwo urabanziriza umukino wa Manchester City yakira Arsenal guhera saa tatu na 15 ku isaha yo mu Burundi no mu Rwanda.

Indi mikino yose hamwe y’umunsi izaba muri weekend.

Ingamba zafashwe ni izihe?

Imikino yose izaba nta bafana, gusa hari abantu bacye bafite imirimo bemewe muri stade batagomba kurenga 300.

Stade zizaba zigabanyijemo ibice bitatu - umutuku (ikibuga n’aho abasimbura bicara), umuhondo uburira(mu myanya y’abafana) icyatsi (ibindi bice by’inyuma muri stade) - buri wese mu bemerewe akaba azi aho atarenga.

Amakipe araba yemerewe abasimbura batanu aho kuba batatu nk’ibisanzwe, urutonde rwabo baraba ari icyenda aho kuba barindwi.

Abakinnyi ntibemerewe gusuhuzanya mbere y’umukino no kwinjira mu kibuga begeranye, imipira bakina, uduti rwo muri koruneri, amazamu n’ibikoresho bigaragaza gusimbuza bizajya bisukurwa kenshi mbere no mu mukino.

Abaganga, abatoza n’abasimbura beretswe uko bazajya bagenda aho bemerewe mu kubahiriza kutegerana.

Ibiganiro n’abanyamakuru nyuma y’umukino bizajya bitangirwa iruhande rw’ikibuga hifashishijwe ikoranabuhanga.

Ikoranabuhanga rya VAR rizakomeza kwifashishwa.

Imikino itegerejwe muri iki Cyumweru

Kuri uyu wa Gatatu Tariki 17/06/2020

19:00 Aston Villa ? - ? Sheffield United

21:15: Manchester City ? - ? Arsenal

Ku wa Gatanu Tariki 19/06/2020

19h00: Norwich vs Southampton

21h15: Tottenham vs Man Utd - 8.15pm

Ku wa Gatandatu Tariki 20/06/2020

13h30: Watford vs Leicester

16h00: Brighton vs Arsenal

18h30: West Ham vs Wolves

08h45: Bournemouth vs Crystal Palace

Ku Cyumweru Tariki 21/06/2020

15h00: Newcastle vs Sheffield United

17h15: Aston Villa vs Chelsea

20h00: Everton vs Liverpool


Premier League yongeye yagarutse mu isura nshya


Kuri uyu wa Gatatu ategerejwe umuino wa Arsenal na Manchester City







TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND