Airtel Rwanda
Kigali

Arteta yahishuye ahazaza ha Aubameyang muri Arsenal

Yanditswe na: SAFARI Garcon
Taliki:17/06/2020 9:55
0

Mikel Arteta utoza ikipe ya Arsenal avuga ko yizeye neza ko rutahizamu Pierre-Emerick Aubameyang azongera agasinya amasezerano mashya muri iyi kipe, nyuma y’ibiganiro bagiranye mu bihe bitandukanye.



Amasezerano ya Aubameyang muri Arsenal, azarangira mu kwezi kwa gatandatu mu mwaka utaha wa 2021.

Aubameyang w’imyaka 30 y’amavuko, avuga ko kumenya niba azashyira umukono kuri kontaro nshya muri Arsenal bishobora kuba ari cyo cyemezo cy’ingenzi cyane kurusha ibindi azaba afashe mu buzima bwe nk’umukinnyi.

Umutoza we Mikel Arteta, avuga ko iyi kipe igomba kwereka uyu rutahizamu ukomoka muri Gabon impamvu akwiye gukomeza kuyikinira.

yagize ati “Akwiye kumva ko ahabwa agaciro, akwiye kwiyumva ko ari uwacu kandi ko tumushaka”.

Uyu rutahizamu amaze gutsindira iyi kipe yo majyaruguru y’umurwa mukuru London w’Ubwongereza ibitego 61 mu mikino 97 amaze kuyikinira kuva yayigeramo avuye muri Borussia Dortmund yo mu Budage mu mwaka wa 2018.

“Ntekereza ko kuri ubu nishimye cyane kubera ukuntu amaze igihe akina n’imyitwarire ye”.

“Mfitanye umubano mwiza cyane na we ndetse dushobora kuganira ku bintu byinshi amaso ku maso. Kugeza ubu icyo nzi ni uko yishimiye cyane uko amerewe muri iyi kipe”.

Mu kwezi kwa gatatu, mbere yuko Premier League iba ihagaritswe kubera icyorezo cya coronavirus, Arteta yavuze ko ashaka kugumana Aubameyang uko byagenda kose.

Icyo gihe Arteta yongeyeho ko Arsenal igomba kuganira n’uyu kapiteni wayo ku bijyanye n’amasezerano mashya mbere yuko uyu mwaka w’imikino urangira.

Uyu rutahizamu akaba yifuzwa n’amakipe atandukanye y’i Burayi arimo  Barcelona yo muri Espagne na Inter Milan yo mu Butaliyani.

Kuri uyu wa Gatatu tariki 17 Kamena 2020, Ubwo Premier League izaba isubukuwe, Aubameyang na bagenzi be bazerekeza ku kibuga Etihad cya Manchester City gukina n’iyi kipe ya Manchester City iri ku mwanya wa kabiri ku rutonde rusange.


Amahirwe menshi Aubameyanga azaguma mur Arsenal abereye kapiteni


Kuri uyu wa Gatatu Arsenal iresurana na Manchester City Premier League isubukurwa





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND