Nyuma y’urupfu rwa George Floyd rwasembuye imyigaragambyo, ubu amakuru ahari avuga ko Igipolisi cyasheshwe. Ni mu gihe Colin Powell wabaye umukuru w'ingabo za Amerika yanenze Perezida Trump mu kunanirwa kwamagana irondaruhu.
Colin
Powell yabaye Umukuru w’Ingabo za Amerika
kuva mu 1989 kugera mu 1993 akaba yarahoze
ari Umunyamabanga wa leta ya Amerika. Yanenze bikomeye uburyo Perezida Donald Trump
yitwaye ku bijyanye n'imyigaragambyo yo kwamagana irondabwoko, avuga ko yarenze
ku Itegeko Nshinga.
Collin wo mu ishyaka rimwe na Bwana Trump
ry'abarepubulikani, wahoze ari na we musirikare wo ku rwego rwo hejuru cyane
muri Amerika, ni we wa vuba aha unenze uburyo Trump ari kwitwara, harimo
no gukangisha ko ingabo zagabwa ngo zisoze imyigaragambyo.
Yavuze ko mu matora ya Perezida yo mu kwezi kwa cumi na kumwe azatora Joe Biden, umukandida w'ishyaka mucyeba ry'abademokarate.
Perezida Trump yasubije avuga ko Bwana Powell "yiha agaciro karenze cyane adafite". Bwana Powell ni we Munyamerika ukomoka muri Afurika wenyine kugeza ubu wabaye umukuru w'ingabo za Amerika nk’uko BBC ibivuga.
Yiyongereye
ku rutonde rukomeje kuba rurerure rw'abahoze ari abasirikare bo ku rwego rwo
hejuru mu ngabo z'Amerika bari kwamagana Bwana Trump ku gikangisho cye cyo
kugaba ingabo ngo zisoze imyigaragambyo.
Iyo
myigaragambyo yatewe n'urupfu rw'Umunyamerika w'umwirabura George Floyd wari mu
maboko ya polisi rwabereye i Minneapolis ku itariki ya 25 y'ukwezi gushize kwa
gatanu.
Ejo ku
cyumweru, abantu icyenda mu bantu 13 bagize inama njyanama y'umujyi wa
Minneapolis basezeranyije abari imbere y'imbaga y'abigaragambya babarirwa mu
magana - ko bazasesa urwego rwa polisi yaho.
Bavuze ko
urwego rw’igipolisi bazarusimbuza uburyo
bushya bwo gucunga umutekano butuma abantu bose bagira umutekano by'ukuri. Inkeragutabara
zirebera uwigaragambya i Washington DC,Hagati aho, ingamba z'umutekano zakuweho
muri Amerika mu gihe imyigaragambyo itangiye kugenza macye.
Ubutegetsi bwa New York bwasoje igihe cy'umukwabu cyari kimaze icyumweru, naho Perezida Trump avuga ko agiye gutegeka inkeragutabara gutangira kuva aho zari zagabwe i Washington DC.
Colin Powell avugira kuri televiziyo CNN ku munsi
w'ejo ku cyumweru, yagize ati: "Dufite Itegeko Nshinga. Kandi
tugomba gukurikiza iryo Tegeko Nshinga. Kandi Perezida yarirenzeho".
Akomoza
kuri Perezida Trump, uyu Jenerali w'inyenyeri enye ubu uri mu kiruhuko
cy'izabukuru yagize ati: "Arabeshya ku bintu runaka, kandi bikarangirira
aho kuko abantu batabimuryoza.
Kuri Twitter, Bwana Trump yavuze ko Colin Powell ari umuntu wa ntawe wagize uruhare rukomeye mu kudushora mu ntambara zatubereye mbi zo mu Burasirazuba bwo hagati.
Aho yavugaga ku ntambara yo mu kigobe yo guhera mu mwaka wa 1990 kugera mu 1993 ndetse n'igitero muri Iraq kiyobowe n'Amerika n'ibihugu by'inshuti cyo mu mwaka wa 2003.
Biden na we yagiye kuri Twitter mu kwamagana uburyo Trump ari kwitwara mu guhangana n'iyi myigaragambyo.
TANGA IGITECYEREZO