Abaminisitiri icumi muri Guverinoma ya Sudani y'Epfo ubu byemejwe ko banduye coronavirus.
Minisitiri w’itangazamakuru muri Susani y'epfo Michael Makuei yabwiye
itangazamakuru ko usibye minisitiri w’ubuzima abandi baminisitiri bafite aho
bahuriye n’ubuzima basanzwemo Covid-19 ariko yahakanye amakuru avuga ko Perezida
Salva Kiir na we wari umwe mu bagize itsinda ayifite.
Ibi bije nyuma y'iminsi micye Visi-Perezida Riek Machar atangaje ko we n'umugore we, Minisitiri w’ingabo, Angelina Teny bafite coronavirus. Abaminisitiri bose banduye ubu bari mu kato kandi Guverinoma ivuga ko bafite ubuzima bwiza.
Muri Sudani y'Amajyepfo hagaragaye ubwiyongere
bukabije bw’abanduye coronavirus mu minsi yashize aho abantu barenga 300 byemejwe
ko bayanduye naho abishwe nayo bakaba ari batandatu.
Kuri ubu muri iki gihugu hari ubwoba bw’uko iyi virusi
ishobora guteza akaduruvayo bitewe n'uko gahunda y’ubuzima idakora neza nyuma y’amakimbirane amaze imyaka ibarirwa
muri za mirongo muri iki gihugu.
Src: VOA
TANGA IGITECYEREZO