Airtel Rwanda
Kigali

Amakipe 10 y’umupira w’amaguru afite abafana benshi kurusha ayandi yose ku Isi

Yanditswe na: Niyibizi Honoré Déogratias
Taliki:20/05/2020 7:54
0

Umupira w’amaguru ni kimwe mu bikunzwe cyane muri iki gihe, usanga abakunzi bawo bibaza byinshi bitandukanye ku makipe bafana. Akenshi wumva buri umwe avuga ngo ikipe afana ni yo ifite abakunzi benshi, ahanini ibi biterwa n'uko amakipe afite ibikombe byinshi ariyo yigarurira imitima ya benshi bigatuma akundwa cyane.



Nyuma y'uko abakunzi benshi ba Ruhago bakomeza kubyibaza kuri ubu INYARWANDA igiye kubagezaho urutonde rw’amakipe 10 y’umupira w’amaguru afite abafana benshi guturuka muri Australia ukambuka ugana muri Afurika ugakomereza muri Aziya ukikoza i Burayi ugahita wambuka ugana muri Amerika ndetse ugakomereza n’ahandi hose ku Isi.

Mu gutegura iyi nkuru twifashishije ibinyamakuru bitandukanye birimo sportzbusiness. Mu gukora iyi nkuru ahanini hashingiwe ku bantu bakurikira ayo makipe ku mbuga nkoranyambaga zitandukanye zirimo Facebook,Twitter, Instagram n’ahandi hatandukanye, mbega bakurikirana amakuru ya buri munsi y’ikipe bafana.

 10. Paris Saint Germain (PSG)

Iyi kipe ya Paris Saint Germain yo mu gihugu cy’u Bufaransa ifite abafana bagera kuri Miliyoni 66. Muri abo abagera kuri miliyoni 35 bayikurikirana kuri page yabo ya Facebook, Miliyoni 18 kuri instagram, Miliyoni 8 kuri Twitter mu gihe shene yabo ya Youtube ifite aba Subscriber bagera kuri Miliyoni 1.

9.Liverpool

Ikipe ya Liverpool ibarizwa mu gihugu cy’u Bwongereza ifite abafana bagera kuri Miliyoni 67 bayikurikirana ku mbuga nkoranyambaga zayo zose. Muri abo abagera kuri miliyoni 32 bayikurikirana kuri page yabo ya Facebook, miliyoni 11 kuri instagram, miliyoni 12 kuri Twitter mu gihe shene yabo ya Youtube ifite aba Subscriber bagera kuri miliyoni 1.

8.Juventus

Ikipe ya Juventus ibarizwa mu gihugu cy’u Butariyani, ifite abafana bagera kuri miliyoni 69. Muri abo abagera kuri miliyoni 36 bayikurikira kuri page yabo ya Facebook, miliyoni 20 kuri instagram, miliyoni 8 kuri Twitter mu gihe shene yabo ya Youtube ifite aba Subscriber bagera kuri miliyoni 1. Iyi kipe ikaba yaragize abafana benshi nyuma y'aho isinyishirije Cristiano Ronaldo.

7. Manchester City

Ikipe ya Manchester City ibarizwa mu gihugu cy’u Bwongereza ifite abafana bagera kuri Miliyoni 72. Muri abo abagera kuri miliyoni 36 bayikurikira kuri page yabo ya Facebook, miliyoni 9 kuri instagram, miliyoni 11 kuri Twitter mu gihe shene yabo ya Youtube ifite aba Subscriber bagera kuri miliyoni 1.

6. Arsenal

Ikipe ya Arsenal bakunda gutazira ikipe y’Abarashi, ibarizwa mu gihugu cy’u Bwongereza, ifite abafana bagera kuri Miliyoni 76. Muri abo abagera kuri miliyoni 37 bayikurikira kuri page yabo ya Facebook, miliyoni 13 kuri Instagram, miliyoni 14 kuri Twitter mu gihe shene yabo ya Youtube ifite aba Subscriber bagera kuri miliyoni 1.

5. FC Bayern Munich

FC Bayern Munich ibarizwa mu gihugu cy’u Budage, ifite abafana bagera kuri miliyoni 79. Muri abo abagera kuri miliyoni 49 bayikurikira kuri page yabo ya Facebook, miliyoni 14 kuri Instagram, miliyoni 4 kuri Twitter mu gihe shene yabo ya Youtube ifite aba Subscriber bagera kuri miliyoni 1. Bayern Munich ikaba ariyo kipe yo mu gihugu cy’u Budage ifite abafana benshi.

4. Chelsea FC

Ikipe ya Chelsea ibarizwa mu gihugu cy’u Bwongereza mu mujyi wa Londre ni yo iza ku mwanya wa kane mu makipe afite abafana benshi. Ikaba ifite abafana bagera kuri Miliyoni 90. Muri abo abagera kuri miliyoni 47 bayikurikira kuri page yabo ya Facebook, miliyoni 14 kuri Instagram, miliyoni 15 kuri Twitter mu gihe shene yabo ya Youtube ifite aba Subscriber bagera kuri miliyoni 1.

3. Manchester United

Ikipe ya Manchester ibarizwa mu gihugu cy’u Bwongereza mu mujyi wa Manchester, ifite abafana bagera kuri Miliyoni 137. Muri abo abagera kuri miliyoni 73 bayikurikira kuri page yabo ya Facebook, miliyoni 25 kuri Instagram, miliyoni 20 kuri Twitter mu gihe shene yabo ya Youtube ifite aba Subscriber bagera kuri miliyoni 1.

2. FC Barcelona

Ikipe ya FC Barcelona yo mu gihugu cya Espagne ni yo iza ku mwanya wa kabiri, ikaba ifite abafana bagera kuri Miliyoni 240. Muri abo abagera kuri miliyoni 102 bayikurikira kuri page yabo ya Facebook, miliyoni 63 kuri Instagram, miliyoni 52 kuri Twitter mu gihe shene yabo ya Youtube ifite aba Subscriber bagera kuri miliyoni 5.

1. Real Madrid

Ku mwanya wa mbere turahasanga ikipe ya Real Madrid yo mu gihugu cya Espagne, ikaba ifite abafana bagera kuri Miliyoni 242. Muri abo abagera kuri miliyoni 109 bayikurikira kuri page yabo ya Facebook, miliyoni 67 kuri Instagram, miliyoni 50 kuri Twitter mu gihe shene yabo ya Youtube ifite aba Subsriber bagera kuri miliyoni 4.

Src: www.sportzbusiness.com






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND