Perezida wa Madagascar yamuritse ku mugaragaro umuti gakondo uvura Coronavirus

Rajoelina yabwiye Abaminisitiri, Abadipolomate ndetse n’Abanyamakuru bo mu kigo cy’ubushakashatsi bwa Malagasy (IMRA), cyateje imbere ibyo binyobwa ati: "Hakozwe ibizamini - abantu babiri bakize kubera uyu muti.

Ati: "Iki cyayi cy'ibyatsi gitanga ibisubizo mu minsi irindwi. Ninjye uba uwa mbere mu kunywa iki kinyobwa uyu munsi imbere yanyu kugira ngo mbereke ko gikiza kandi kitica".

Uyu muti wiswe Covid-Organics, ukozwe mu byatsi byitwa Artemisia - umuti byemejwe ko usanzwe ukoreshwa mu kuvura Malaria hamwe n'ibindi byatsi gakondo nk'uko ikigo IMRA kibivuga.

Ubuziranenge bwawo no kuba uvura Covid-19 koko ntabwo biragenzurwa ku rwego mpuzamahanga, nta mibare kandi itangwa n'ubushakashatsi bw'uko wageragejwe

Kugeza ubu kuri iki kirwa hamaze kuboneka abantu 121 banduye coronavirus, ntawe irahitana muri iki gihugu. OMS, ivuga ko iburira abantu kwirinda abemeza ko babonye umuti wa Covid-19.

Src: France 24