RFL
Kigali

Minisitiri w'intebe w'u Bwongereza Boris Johnson bamusanzemo Covid19

Yanditswe na: Liliane Kaliza
Taliki:27/03/2020 14:12
0


Nk'uko byemezwa n'ibiro bye, Minisitiri w'intebe w'u Bwongereza Boris Johnson bamusanzemo Covid19. Byatangajwe ko afite ibimenyetso byoroheje kandi ko azaguma mu kato aho akorera.



Nyuma yo kugira ibimenyetso bya Covid-19, ejo kuwa Kane Boris yarisuzumishije ibisubizo bigaragaza ko ayirwaye. Kuva ubwo yahise yishyira mu kato aho akomeza imirimo ye ariko ari mu kato.

Ibi yabishyize ku rukuta rwe rwa Twitter aho avuga ati" Ndi gukorera mu rugo kandi nishyize mu kato, ntaho ndi guhurira n'abo dukorana mu rwego rwo guhashya covid-19."

Mu ntangiriro z'uku kwezi, Nadine Dorries, umudepite akaba n'Umuyobozi Mukuru wo muri Minisiteri y'Ubuzima mu Bwongereza, baramupimye basanga afite coronavirus.

Mu Bwongereza habarwa abantu barenga 11,600 banduye iyi ndwara, muri bo yishe 578 naho abayikize ni 135.

Src: The Guardian






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND