Minisitiri w'intebe w'u Bwongereza Boris Johnson yatangaje amabwiriza akarishye ategeka abantu kuguma mu ngo zabo uretse aho biri ngombwa cyane. Ibi avuga ko ari mu rwego rwo kurwanya ikwirakwira rya Covid-19 muri iki gihugu.
Bwana Johnson yavuze ko kuva uyu munsi kuwa kabiri abaturage bazajya bava mu ngo zabo rimwe ku munsi bagiye gukora imyitozo ngororamubiri, abo bikenewe cyane akaba ari bo bajya ku kazi. Abandi bemerewe gusohoka ni abagiye kwivuza no kugura ibiribwa.
Amaduka
n'amasoko acuruza ibintu bitari ibya ngombwa cyane yategetswe gufunga ndetse
nta bantu bagomba guhura barenze babiri, kereka ababana mu rugo.
Mu Bwongereza abantu barenga 6,600 bamaze kwandura
coronavirus, abagera kuri 335 yarabishe naho 135 barayikize.
Bwana Johnson yavuze ko abatazakurikiza amabwiriza yatanzwe bazayakurikiza ku ngufu za polisi. Yavuze ko aya mabwiriza azakurikizwa mu gihe cy'ibyumweru bitatu.
Muri
iki gihugu, reitora na cafes byemerewe gukomeza gukora ariko bishyira
abantu ibicuruzwa mu ngo zabo.
Ibindi
byemerewe gukomeza gukora ni amasoko n'amaduka acuruza ibiribwa, imiti,
lisansi, amagaraji y'imodoka, amaduka acuruza amagare, ahacururizwa ibikoresho
byo mu ngo n'ibyuma, abacuruza ibikenerwa by'amatungo yo mu ngo, boutique zo mu
mihana, abacuruza ibinyamakuru na za banki.
Abantu batandukanye mu Bwongereza bagaragaje ko ibi
byemezo bigiye kubagiraho ingaruka zikomeye mu buzima bwabo bwa buri munsi.
Jeremy
Corbyn umuyobozi w'uruhande rw'abatavuga rumwe n'ubutegetsi bo mu ishyaka rya
Labour mu Bwongereza yatangaje ko ko izi ngamba "ari igisubizo
gikwiye".
Yongeraho
ati: "[Ariko] leta igomba kuziba icyuho igafasha abakozi bose, cyane
abakorwa ibyabo, abakodesha, abafite imyenda y'inzu".
Leta
y'u Bwongereza ivuga ko yateganyije ingengo y'imari yo gufasha abaturage
b'amikoro macye bazagirwaho ingaruka n'ihagarikwa ry'ubuzima busanzwe mu
gihugu.
TANGA IGITECYEREZO