RFL
Kigali

Marouane Fellaini wakiniye Manchester United yanduye Coronavirus

Yanditswe na: SAFARI Garcon
Taliki:22/03/2020 16:07
0

Umubiligi wakiniye Manchester United yo mu Bwongereza mbere y’uko yerekeza mu Bushinwa muri Shandong Luneng , Marouane Fellaini , yasanganwe Coronavirus nyuma yo gutega gari ya moshi kuwa Gatanu w’iki Cyumweru ubwo yerekezaga mu ntara ya Jinan.



Marouane Fellaini w’imyaka 32, yanduye nyuma y’uko yari yasubiye mu Bushinwa, mu Ntara ya Jinan, ahabarizwa ikipe ya Shandong Luneng akinira kuri ubu.

Fellaini yabaye umukinnyi wa mbere ukina muri Shampiyona y’Icyiciro cya Mbere mu Bushinwa, ufashwe n’icyo cyorezo.

Urwego rushinzwe ubuzima mu ntara ya Jinan, rwemeje ko uyu mukinnyi yanduye Coronavirus nyuma y’iminsi ibiri gusa ahageze .

Urubuga rw’ikipe ya Shandong Luneng rutangaza ko uyu mukinnyi nta bimenyetso bya Coronavirus nko gukorora n’umuriro yagaragaje gusa ngo bamusanganye iki cyorezo.

Fellaini ari mu kato mu bitaro byo mu ntara Jinan bifite umwihariko wo kuvura iyi virusi, mu gihe cy’iminsi 14 aho ari kwitabwaho n’abaganga babizobereyemo.

Fellaini yageze mu ikipe ya Shandong mu 2019, anagira umwaka mwiza w’imikino aho yatsinze ibitego 13 muri Shampiyona, ikipe ye isoza ku mwanya wa gatanu.

Kuri ubu shampiyona y’u Bushinwa yarahagaritswe kubera Coronavirus, bikaba biteganyijwe ko izasubukurwa muri Mata 2020.


Fellaini kuri ubu ukinira ikipe ya Shandong yo mu Bushinwa yanduye Coronavirus





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND