Airtel Rwanda
Kigali

Premier League yongeye guhagarikwa igihe kirekire kubera umuvuduko wa Coronavirus

Yanditswe na: SAFARI Garcon
Taliki:20/03/2020 12:31
0

Kuri uyu wa Kane abashinzwe gutegura shampiyona yo mu Bwongereza, ikunzwe na benshi kuruta izindi ku Isi ‘English Premier League’, batangaje ko begeje inyuma igihe izasubukurirwa, kuko bavuze ko byibura izasubukurwa tariki 30 Mata 2020, icyorezo cya Coronaviru nikigenza make kikagabanuka muri iki gihugu.



Mu gitondo cyo kuri uyu wa Kane nibwo umuyobozi wa Premier League witwa Richard Masters yagiranye ikiganiro n’amakipe atandukanye bemeranya ko iyi shampiyona yasubikwa kugeza kuwa 30 Mata 2020.

Mu itangazo ishyirahamwe ry’umupira w’amaguru mu Bwongereza ‘FA’ ryashyize hanze kuri uyu wa Kane, ryatangaje ko amarushanwa arimo Premier League na FA Cup atazasubukurwa kuwa 03 Mata 2020 nkuko byari byatangajwe ahubwo yongerewe igihe ashyirwa kuwa 30 Mata 2020 kubera icyorezo cya COVID-19 gikomeje koreka imbaga.

FA yatangaje ko nibura aya marushanwa yayo ashobora gusubukurwa kuri iriya Taliki ariko yongeraho ko nabwo bizaterwa nuko ibintu bizaba byifashe.

FA yatanze icyizere ndetse n’isezerano ko byanze bikunze amarushanwa yose yasubitswe azarangira gusa azakererwa cyane kubera iki cyorezo.

FA kandi ngo yishimiye umwanzuro wafashwe na UEFA wo kwimura EURO 2020 igashyirwa muri 2021, kuko bizatuma amarushanwa yo mu bwongereza yose akinwa akarangira ndetse hakabaho no kwitegura umwaka utaha w’imikino ku makipe yo muri iki gihugu.

Premier League iheruka gukinwa kuwa 09 Werurwe 2020 ubwo ikipe ya Leicester City yanyagiraga Aston Villa ibitego 4-0.


Premier League yongeye guhagarikwa kugeza tariki 30 Mata 2020





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND