Airtel Rwanda
Kigali

Kevin Durant ukinira Brooklyn Nets muri NBA na bagenzi be batatu basanganywe Coronavirus - AMAFOTO

Yanditswe na: SAFARI Garcon
Taliki:18/03/2020 13:26
0

Nyuma ya Rudy Gobert ukinira ikipe ya Utah Jazz muri NBA, ikindi cyamamare muri iyi shampiyona ya mbere ya Basketball ku Isi, Kevin Durant ukinira ikipe ya ikipe ya Brooklyn Nets na bagenzi be batatu bakinana basanze baranduye virus ya Corona.



Mu itangazo ikipe ya Brooklyn Nets yashyize hanze yatangaje ko umukinnyi umwe ari we wagaragaje ibimenyetso mu gihe abandi nta kimenyetso na kimwe bigeze bagaragaza, nyuma bapimwe basanga bose baranduye.

Gusa nta zina ryigeze ritangazwa ku mukinnyi wagaragaje ibimenyetso muri aba batatu.

Babinyujije ku mbuga nkoranyambaga zabo, ubuyobozi bw’ikipe ya Brooklyn Nets bwatangaje bugiye gukora ibishoboka byose bukarengera ubuzima bw’abakinnyi ndetse n’amakipe bakinnye mu minsi ishize kugira ngo basuzumwe bataranduza benshi.

Bagize bati “Ikipe iri gushakisha buri wese wahuye n’aba bakinnyi 4, harimo n’amakipe duheruka gukina,dufatanyije na Leta ndetse n’inzego z’ubuzima.” 

Kuri ubu abakinnyi bose b’ikipe ya Brooklyn Nets bashyizwe mu kato ndetse abaganga b’ikipe bari gukurikirana ubuzima bwa buri wese.

Kevin Durant utarakira imvune yiyongereye ku yandi  mazina akomeye muri NBA yamaze kwandura icyorezo cya Coronavirus harimo Donovan Mitchell na Rudy Gobert ba Utah Jazz na Christian Wood wa Destoit Pistons.

NBA yabaye ihagaritswe mu gihe hagishakishwa igisubizo kirambye cy’iyi virus ya Corona.


Kevin Durant yamaze kwandura Coronavirus


Kevin Durant ni umwe mu bakinnyi bakomeye muri NBA


Durant akaba akiri hanze y'ikibuga kubera imvune


Rudy Gobert wa Utah Jazz niwe wabimburiye abandi muri NBA kwandura Coronavirus


NBA yabaye ihagaze kubera Coronavirus






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND