Shampiyona y’u Bwongereza iyoboye izindi ku mugabane w’i Burayi mu kugira abakinnyi bahenze

Mu makipe 10 ya mbere afite abakinnyi bahenze ku mugabane w’u Burayi hagaragaramo amakipe atanu akina muri shampiyona y’u Bwongereza ’English Barclays Premier League’.

Ku wa Mbere tariki ya 16 Werurwe 2020, ikigo CIES Football Observatory, cyagaragaje ko ikipe yose ya Liverpool ifite agaciro ka miliyari 1.4€, imbere ya Manchester City, nayo yo mu Bwongereza ifite abakinnyi bafite agaciro ka miliyari 1.36€.

Mu mwaka ushize iyi Liverpool yegukanye UEFA Champions League na UEFA Super Cup ndetse n’igikombe cy’Isi cy’amakipe. Muri uyu mwaka irabura intsinzi ebyiri gusa ngo yegukane igikombe cya shampiyona cy’umwaka w’imikino wa 2019-2020.

Andi makipe yo muri Premier League ari mu 10 ya mbere ni Chelsea FC ya gatanu, Manchester United ya gatandatu na Tottenham ya cyenda.

CIES Football Observatory  kandi yagaragaje ko ikipe ya SC Paderborn 07 yo muri Bundesliga y’u Budage ari yo kipe ifite abakinnyi bahendutse ku isoko muri Shampiyona eshanu za mbere i Burayi n’agaciro ka miliyoni 33.7£.

Ku myaka 21 y’amavuko, Umufaransa Kylian Mbappé ukinira Paris Saint-Germain, yagaragajwe nk’umukinnyi ufite agaciro kari hejuru kurusha abandi, aho kuri ubu ikipe yamushaka yamutangaho asaga miliyoni 227£.

Amakipe 10 ya mbere afite abakinnyi bahenze i Burayi

1.   Liverpool (U Bwongereza) 1,405£

2.   Manchester City (U Bwongereza) 1,361£

3.   FC Barcelona (Espagne) 1,170£

4.   Real Madrid (Espagne) 1,100£

5.   Chelsea (U Bwongereza) 1,008£

6.   Manchester United (U Bwongereza) 1,007£

7.   Paris St-Germain (U Bufaransa) 979£

8.   Atlético Madrid (Espagne) 836£

9.   Tottenham (U Bwongereza) 787£

10.Juventus (U Butaliyani) 783£ 

Liverpool ni yo ibitse igikombe cya UEFA Champions League giheruka

Iyi kipe kandi irabura intsinzi ebyiri ngo yegukane igikombe cya shampiyona y'u Bwongereza