Airtel Rwanda
Kigali

Ni muntu ki Lary Tesler wavumbuye copy, cut na paste bikoreshwa na benshi ku isi?

Yanditswe na: Eric Misigaro
Taliki:23/02/2020 16:03
1

Tariki ya 16/02/2020 inkuru mbi yatashye mu mitima y'abakoresha mudasobwa ndetse na telefone nyuma yo kumva ko umuhanga mu bumenyi bwa mudasobwa, Umunyamerika, Lawrence Gordon Tesler (Lary Tesler) yatabarutse. Ese uyu mugabo yari muntu ki?



Uyu mugabo yavutse kuwa 24 Mata 1945 atabaruka kuwa 16 Gashyantare 2020. Uretse ubu buryo butatu, Lary Tesler yavumbuye n’ubundi bwo gushaka (Find) no gusimbuza buzwi nka ’Replace’. Tesler yari inzobere mu bijyanye n'imikorere ya mudasobwa ndetse n'uburyo zivugana n'abantu akaba yaragiye akora udushya twinshi gusa utwamamaye ku zina rye ni ubu twavuze haruguru.  

Magingo aya abantu bose bakoresha mudasobwa na telefone bababajwe n’urupfu rwa Lary Tesler cyane cyane abanyeshuri dore ko ngo yabafashije mu koroshya imyigire yabo kuko ngo ubu buryo bwaborohereje guterura no gukopiya.               

Sobanukirwa ubuvumbuzi bw’uyu mugabo wataburutse

Uyu mugabo wavumbuye ubu buhanga yakoreye ibigo Xerox PARC, Apple, Amazon na Yahoo. Copy ni uburyo bukoreshwa mu ikoranabuhanga rya mudasobwa ndetse na telefone aho bufata inyandiko cyangwa ikindi kintu nk’indirimbo, amafoto,… n’icyumba (folder), bukazijyana mu wundi mwanya na mwanya wundi zikawugumamo ndetse ikiza ni  iki kintu giteruwe kiguma aho cyari kiri ndetse n'aho kigiye kikagumana umwimerere wacyo.

Paste Bwo ni uburyo bwo gutereka ikintu ahantu mu gihe umaze kukivana hantu ukoresheje Copy.

Cut Bwo ni uburyo bujya gusa na ‘copy’ gusa bwo iyo iteruye ikintu ahantu aho cyari kiri ntabwo kihasigara nk'uko kuri copy bigenda. Na hano kukigeza mu mwanya ushaka ni uko ukora paste.  

Gusa benshi mu nzobere nubwo basa n'abarwanya ubu buvumbuzi bavuga ko bwafashije benshi kuko uyu mugabo yazanye ubu buryo buza bukemura ibibazo byinshi. Kuko ni kenshi abantu batindaga cyangwa bamwe bikabagora guhanahana ibikorwa bimwe na bimwe urugero nk'ibitabo cyangwa izindi documents.

Ese Lawrence Gordon Tesler wabaye icyamamare akaba umunyabigwi yize ibiki?Tesler yakuriye muri New York amashuli yisumbuye yayize mu ishuli Bronx High School of Science aha yaharangije mu 1961. Nyuma yaje kujya kwiga muri kaminuza ya Stanford aha yari afite imyaka 16 aza kujya mu ishami ry’imibare gusa kubera ubuhanga yagiye agaragaza mu bijyane n’ubumenyi bwa mudasobwa byamutije umurindi aza kuba inzobere.

Ubwo yari atarajya kwiga muri kaminuza yanditse algorithm yatangaga imibare yisubira cyangwa iyi benshi tuzi nka Prime number ahita abona amahirwe yo kujya kwiga ibijyanye na mudasobwa by'igihe gito muri kaminuza ya Colombia. Nyuma uyu mugabo yaje kuba umuhanga kuko amaze gutangira kaminuza yakomeje kujya yitabira amasomo y'igihe gito yo kwiga ubu bumenyi.  

Kuyu wa 16 Gashyantare 2020 ni bwo inkuru mbi yatanshye mu mitwe y’inzobere muri mudasobwa ndetse n’abandi bose bakoresha mudasobwa ivuga ko uyu mugabo atagihumeka umwuka w'abazima.   






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • DUSENGE Gilbert 1 month ago
    Imana imwakire mubayo


Inyarwanda Art studio
Inyarwanda BACKGROUND