Tariki 23 Mutarama 2020 ni bwo hatangiye amatora yo
kuri telefone na interineti mu irushanwa rya Miss Rwanda 2020.
Kuri uyu wa Gatandatu tariki 01 Gashyantare 2020 ni bwo habayemo umuhango wo guhitamo abakobwa 20 bajya mu mwiherero w’irushanwa rya Miss Rwanda 2020.
Abakobwa 2 bakomeje mu irushanwa babicyesha amajwi menshi y’ababotoye binyuze kuri Internet. Ni mu gihe abakobwa 34 basezerewe. Uko ari 20 barajya mu mwiherero w’ibyumweru bitatu.
Nishimwe Naomi na Irasubiza Alliance nabo banyuze imbere y’Akanama Nkemurampaka biyerekana mu makanzu maremare. Bari bafite umubare w’ababashyigikiye bitwaje ibyapa binini biriho amazina yabo, imipira iriho amafoto yabo n’ibindi.
Kuva iri tora ryatangira Nishimwe Naomi na Irasubiza Alliance bakomeje gukubana mu majwi. Rimwe umwe yabaga ari imbere undi akamujya imbere. Hari n’igihe kandi umukobwa witwa Kirezi Rutaremara Brune yabonetse muri babiri ba mbere.
Amajwi yo kuri telefone afite agaciro 60% ayo kuri interineti 20% mu gihe uko umuntu yakunzwe mu gihe cy’irushanwa bizahabwa nabyo 20%.
Umwiherero
uzabera i Nyamata muri Golden Tulip Hotel guhera tariki 09 Gashyantare 2020
irushanwa risozwe tariki 29 uko kwezi.
Irasubiza Alliance yakomeje abicyesha amajwi y'abamutoye kuri SMS no kuri Internet
