Rutahizamu ukomoka muri Portugal Cristiano Ronaldo na kabuhariwe Lionel Messi ni bo bakinnyi b’umupira w’amaguru bagaragara ku rutonde rw’abakinnyi 10 ba mbere mu mikino yose binjije amafaranga menshi mu myaka icumi ishize, urutonde ruyobowe Floyd Mayweather uheruka gusezera mu mukino w’iteramakofe.
Kuba
Cristiano na Messi bagaragara aribo bakinnyi b’umupira w’amaguru bagaragara kuri
uru rutonde ntibitunguranye, kubera ko aba bombi aribo bihariye imyaka 10
basimburanwa mu gutorwa vnk’abakinnyi beza ku isi. Barabihemberwaga kandi
bakanamamaza cyane, aba bagabo kandi banahembwa umushahara utari mucye, ibi
byose bikaba ari bimwe mu byabinjirije amafaranga menshi mu myaka 10 ishize.
Uretse
kuba banafite amafaranga menshi, hari n’abadatinya kuvuga ko aba ari abakinnyi
b’ikinyejana kubera ubuhanga bakoresha mu kibuga bagatsinda ibitego bituma
bigarurira imitima ya benshi.
Umukinnyi
Floyd Mayweather wasezeye ku mukino w’iteramakofe yakinnyemo imikino 50
akayirangiza adatsinzwe,niwe uyoboye abandi bakinnyi bose mu mikino itandukanye
mu kwinjiza akayabo mu myaka 10 ishize.
Floyd
ukunda kwiyita The Money yasekeje benshi kubera ukuntu yanditse ku mbuga
nkoranyambaga ze ko ashimira Cristiano Ronaldo na Lionel Messi bamukurikira
kuri uru rutonde rwakozwe na Forbes.
Mayweather
w’imyaka 42,yinjije akayabo ka miliyoni 915 z’amadolari muri iyi myaka 10
ishize yarwanyemo inshuro 10 ndetse akaba aheruka umukino mu myaka 2 ishize.
Ku
mwanya wa 2 haje Cristiano Ronaldo winjije miliyoni 800 z’amadolari mu gihe
Lionel Messi yinjije miliyoni 750 mu myaka 10 ishize
Floyd
yasezeye kuri Boxing mu mwaka wa 2017 nyuma yo gupakira amakofe umunya Irlande
Conor McGregor,mu mukino wamwinjirije akayabo ka miliyoni 300 z’amadolari.
Muri
2015, Mayweather yakinnye na Manny Pacquiao mu mukino wiswe
uw’ikinyejana,wamwinjirije akayabo ka miliyoni 200 z’amadolari.
Abakinnyi b'umupira w'amaguru bayoboye abandi mu kwinjiza agatubutse mu myaka 10 ishize
Abakinnyi 10 ba mbere mu mikino yose binjije agatubutse mu myaka 10 ishize
TANGA IGITECYEREZO