RFL
Kigali

Trackslayer yasezeranye imbere y’amategeko na Nikuze bakundanye imyaka 9-AMAFOTO

Yanditswe na: Janvier Iyamuremye
Taliki:20/12/2019 12:57
0

Kuri uyu wa Gatanu tariki 20 Ukuboza 2019 Nshuti Peter wamenyekanye ku izina rya Producer Trackslayer, yasezeranye imbere y’amategeko n’umukunzi we Nikuze Eliane bamaze imyaka icyenda mu munyenga w’urukundo.



Saa cyenda z’uyu munsi Producer Trackslayer arasaba anakwe umukunzi we mu birori bibera i Nyamirambo kuri Ten to Two Gardens.  Ku wa Gatandatu tariki 21 Ukuboza 2019, Producer Trackslayer azasezerana imbere y’Imana n’umukunzi we mu rusengero rwa Bethlehem Church. 

Abatumiwe n’abandi bazakirirwa kuri Salle ‘Mwana ukundwa’ ku Irebero mu Midugudu ya BNR. Ku mugoroba wo ku wa Gatandatu tariki ya 11 Gicurasi 2019 ni bwo Producer Trackslayer yambitse impeta umukunzi we Nikuze amusaba ko bazabana akaramata.

Producer Trackslayer yabwiye INYARWANDA, ko yiga mu mwaka wa Gatatu w’amashuri yisumbuye ari bwo yamenyanye na Eliane wigaga mu mwaka wa Gatandatu w’amashuri abanza.

Avuga ko hashize amezi atatu ari bwo yabwiye Eliane ko amukunda, ngo ntibyari byoroshye muri we kuko bwari ubwa mbere abwiye umukobwa ko amukunda. Ntiyahise ahabwa igisubizo ahubwo yakomeje gutegereza kugeza abonye ibimenyetso by’urukundo. 

Trackslayer amaze igihe kinini mu batunganya umuziki (Producer) mu Rwanda. Ni umwe mu bazwiho ubuhanga mu gukora indirimbo ziri mu njyana ya Hip-Hop.

Benshi mu bahanzi nyarwanda yakoreye bubatse amazina ndetse ibikorwa bye bizwi na benshi mu bahanzi yafashije kwisanga mu kibuga cy'umuziki.  Yakoreye indirimbo Bull Dogg, Riderman, Diplomate, Green P, itsinda rya Dream Boy, Naason, Aime Blueston, Nick Dompoz, Siti True Karigombe n’abandi.

Inseko ya Nikuze Eliane wasezeranye imbere y'amategeko n'umukunzi we, Producer Trackslayer

Imyaka icyenda ishize bakundana ishibutsemo kurushinga nk'umugabo n'umugore

Bashyize umukono ku isezerano ryabo

Andi mafoto kanda hano:

AMAFOTO: RUZINDANA Eric-INYARWANDA.COM






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND