RFL
Kigali

Dore impamvu inda yawe ibyimbye n’icyo wakora ngo ugabanye umubyibuho wayo

Yanditswe na: Liliane Kaliza
Taliki:27/11/2019 12:11
1

Benshi muri twe bibwira ko bafite ubumenyi ku kuba inda zabo zibyimbye bakibwira ko biterwa n’impamvu runaka ndetse bamwe bakumva ko inda ishobora kubyimbywa n’uko umuntu ahaze ariko siko biri.



Impamvu nyamukuru ni uko umuntu aba afite gaz ituruka mu igogora ari nabyo bishobora gutuma umuntu agira ya nda nini ndetse rimwe na rimwe akaba yababara. Muri bimwe bishobora gutuma umuntu abyimba inda harimo kwireka kw’amazi mu mubiri, zimwe mu ndwara z’amara, kugugarara ndetse bishobora guterwa na bacterie yitwa Helicobacter pylori.

Iyi yavumbuwe n’abashakashatsi 2 bo muri Australia aho bavuga ko iterwa n’umwanda uturuka ku byo abantu barya, amazi yanduye n’ibindi nk’ibyo gusa biragorana cyane kumenya ko uyifite kuko idapfa kwigaragaza.

Ibimenyetso by’iyi bacterie ni ibi bikurikira:

Kubyimba inda, kubabara mu gifu ahagana hejuru, gutura imibi, kugugarara cyangwa gucibwamo, kugira isesemi, kunanirwa kurya no gutakaza ibiro

Ese ni gute wafasha umuntu ufite iyi bacterie cyangwa wabyimbye inda?

Niba utekereza ko inda yawe ibyimbye kubera ya bacterie ni byiza ko wihutira kujya kwa muganga kugira ngo harebwe impamvu nyamukuru, ariko niba ubona bidakomeye cyane ariko ugahura n’ibibazo by’igogora dore icyo twagufasha:

Fata cocombre imwe, indimu imwe, akayiko kamwe k’umutobe w’igikakarubamba, akayiko kamwe k’umutobe wa tangawizi n’igice k’ikirahuri cy’amazi nurangiza ubivange neza ubundi wongeremo akayiko k’ubuki kugirango bidasharira cyane ubundi ujye ubinywa uko ubishatse.

Ibindi bishobora kugufasha kugabanya umubyibuho w’inda harimo gukora massage, kujya muri sauna, imyitozo ngororamubiri, kwirinda kunywa sodas no kurya za shikarete, kugabanya kurya umunyu cyane no gufata ibyo kurya bikungahaye kuri fibre.

Src: santeplusmag.com






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Uwindekwe Tunga10 months ago
    Murakoze cyane. Helicobacter Pylori koko nimbi irababaza pe, ukumva mu Gifu haka umuriro ukaremba cyane, ariko sinarinzi ko ariyo bituma n umuntu aguma abyimbye India Rero murakoze kubwo kudusangiza ibyo umuntu yafata akirinda kubyimbagana mu NDA.


Inyarwanda Art Studio

Inyarwanda Art studio
Inyarwanda BACKGROUND