Kagere Meddie ku rutonde rw’abakinnyi bahataniye igihembo cy’uwahize abandi muri Afurika 2019

Ni urutonde impuzamashyirahamwe y’umupira w’amaguru ku mugabane wa Afurika CAF yatangaje kuri iki cyumweru ruriho abakinnyi bitwaye neza muri uyu mwaka wa 2019 byumwihariko mu marushanwa ari ku ruhembe rw’ayandi mu yategurwa na CAF ariyo, CAF Champions League ndetse na CAF Confederation Cup.

Kagere ari kumwe na Simba SC yageze muri ¼ mu irushanwa rya CAF Champions League, akaba ari no mu bakinnyi batsinze ibitego byinshi muri iri rushanwa, aho ari kumwe n’umugande Emmanuel Okwi nawe wakinaga muri iyi kipe.

Mu mwaka wa 2015, umunya Tanzania wakiniraga TP Mazembe yo muri RD Congo, Bwana Ali Samatta yegukanye iki gihembo.

Abakinnyi 20 bahataniye igihembo cya CAF cya 2019:

1. · Ali Maaloul (Tunisia & Al Ahly)
2. · Anice Badri (Tunisia & Esperance)
3. · Denis Onyango (Uganda & Mamelodi Sundowns)
4. · Emmanuel Okwi (Uganda & Simba)
5. · Ferjani Sassi (Tunisia & Zamalek)
6. · Fousseny Coulibaly (Cote d’Ivoire & Esperance)
7. · Franck Kom (Cameroon & Esperance)
8. · Herenilson (Angola & Petro de Luanda)
9. · Ismail El Haddad (Morocco & Wydad Casablanca)
10. · Jean Marc Makusu (DR Congo & AS VITA)
11. · Kodjo Fo Doh Laba (Togo & RS Berkane / Al Ain)
12. · Mahmoud Alaa (Egypt & Zamalek)
13. · Meddie Kagere (Rwanda & Simba)
14. · Meschack Elia (DR Congo & TP Mazembe)
15. · Taha Yassine Khenissi (Tunisia & Esperance)
16. · Tarek Hamed (Egypt & Zamalek)
17. · Themba Zwane (South Africa & Mamelodi Sundowns)
18. · Trésor Mputu (DR Congo & TP Mazembe)
19. · Walid El Karti (Morocco & Wydad Casablanca)
20. · Youcef Belaïli (Algeria & Esperance / Ahli Jeddah)

Abakinnyi 20 b'abanyafurika bahataniye iki gihembo

Kagere watsindiye Simba SC ibitego byinshi muri CAF Champions League ashobora kwegekana iki gihembo

Umwanditsi – SAFARI Garcon – inyarwanda.com