RFL
Kigali

Cycling: U Rwanda mu bihugu bitanu bya mbere muri Afurika, Benediction mu makipe atatu ya mbere

Yanditswe na: Editor
Taliki:20/11/2019 12:38
0


Impuzamashyirahamwe y’umukino wo gusiganwa ku magare UCI yagaragaje uburyo amakipe ndetse n’ibihugu bihagaze muri uyu mukino, maze u Rwanda rwisanga ku mwanya wa gatanu mu bihugu bikomeye muri Afurika, Benediction Excel Energy yisanga ku mwanya wa gatatu mu cyiciro cy’amakipe.



Uru urutonde rushyirwa hanze hakurikijwe uburyo amakipe ndetse n’ibihugu uko biba byaritwaye mu marushanwa atandukanye bitabiriye mu mwaka ndetse hakarebwa amanota bakusanyije muri ayo marushanwa ubundi hagakorwa urutonde.

Ku makipe y’ibihugu makuru,  Afurika y’Epfo yafashe umwanya wa mbere n’amanota 3497.67 mu gihe Erythrea yaje ari iya  kabiri n’amanota 2511.5, u Rwanda ruri kuzamuka neza muri uyu mukino  ruri ku mwanya wa gatanu n’amanota 840.

Dore uko ibihugu bitanu bya mbere bikurikirana muri Afurika:

1. South Africa 3 497.67
2. Eritrea 2 511.5
3. Algeria 2 019.33
4. Morocco 902
5. Rwanda 840

Ikipe ya Benediction Excel Energy imaze kwandika izina ryayo nyuma yo kwitwara neza mu marushanwa atandukanye yitabiriye muri uyu mwaka ikanegukana Tour du Senegal ikomeje nayo gutumbagira ku rutonde rwa UCI kuko ubu iri ku mwanya wa gatatu muri Afurika.

Mu cyiciro cy’amakipe, n’ubundi Afurika y’Epfo ikomeje kwiganza kuko  ikipe ya Pro Touch  yo muri Afurika y’Epfo iyoboye izindi n’amanota 766 ikaba ikurikirwa na Sovak ifite amanota 497.66, Benediction Excel Energy yo mu Rwanda iri ku mwanya wa gatatu n’amanota 308.75.

Dore uko mu cyiciro cy’amakipe 5 ya mbere akurikirana:

1. ProTouch 766
2. Sovak 497.66
3. Benediction Excel Energy 308.75
4. TEG ProCycling 280
5. Guericiotti-Kiwi Atlantico, 114

Menshi muri aya makipe yitezwe ko azagaragara muri Tour du Rwanda iteganyijwe kuba tariki 23 Gashyantare kugeza tariki ya mbere Werurwe 2020.


Team Rwanda ni iya gatanu muri Afurika


Team Rwanda yiteguye kuzitwara neza muri Tour du Rwanda 2020


Benediction Excel Energy Club ya gatatu muri Afurika yatwaye Tour du Senegal muri uyu mwaka

Umwanditsi – SAFARI Garcon – inyarwanda.com

 





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND