MTN
Kigali

Korali Umucyo ya ADEPR Rukiri ll Rehoboth igiye kumurika album ya mbere

Yanditswe na: Mupende Gedeon Ndayishimiye
Taliki:9/10/2019 16:39
0

Korali Umucyo ibarizwa mu itorero rya ADEPR Rukiri ll Rehoboth imaze imyaka 22 mu murimo w’ivugabutumwa,igiye kumurika album ya mbere y’indirimbo z’amajwi n’amashusho. Ni album bise ‘Ijya yitamurura’.



Habanabakize Jean de Dieu umuyobozi wa korali Umucyo, yatangarije InyaRwanda.com ko album yabo ya mbere bazayimurikira mu gitaramo kizaba ku cyumweru tariki 13/10/2019 kuri ADEPR Rukiri ll Rehoboth. Muri iki gitaramo bazaba bari kumwe na korali Shekinah ya ADEPR Rwimbogo mu gihe umwigisha w’ijambo ry’Imana azaba ari Mwalimu Edith. Kwinjiza bizaba ari ubuntu ku bantu bose.

Korali Umucyo yatangiye gukora umurimo w’Imana mu ndirimbo mu mwaka w'1997, itangira yitwa korali y’Ababyeyi. Icyo gihe bari abaririmbyi 6, none uyu munsi korali Umucyo igizwe n’abaririmbyi 70. Batangira kuririmba, nta byuma bya muzika bari bafite mbese nta bushobozi bari bafite. Basenze Imana irabagura ibongerera abaririmbyi, ibaha ibyuma byabo n’ibindi.

Yagize ati “Yatangiye yitwa korali y’Ababyeyi. Nta byuma bya muzika bafite mbese nta bushobozi bafite basenga lmana irabagura ubu tugeze ku baririmbyi mirongo irindwi. Dufite ibyuma byose bya muzika bigezweho. Mu rwego rw’imiririmbire yavuze ko bahagaze neza by’akarusho bakaba bafite indirimbo zabo bwite zigera kuri 11 zirimo; Ijya yitamurura, Twiringiye lmana ikomeye, Tuzakubona, Gutabarwa, Gitare, Turi mu bikari byawe Mana, n’izindi.


Korali Umucyo igiye kumurika album ya mbere y'amashusho








Inyarwanda Art studio
Inyarwanda BACKGROUND