Inyarwanda art Studio
Kigali

Patient, Gaby, Aime Uwimana, Gentil Misigaro, Serge n’amatsinda anyuranye bari guhatanira ibihembo bikomeye

Yanditswe na: Janvier Iyamuremye
Taliki:2/10/2019 9:44
0

Abahanzi mu ndirimbo zo kuramya no guhimbaza Imana n’amatsinda akomeye mu Rwanda, bari ku rutonde rw’abahataniye ibihembo bya ‘Maranatha Awards’, bizatangwa ku wa 24 Ugushyingo 2019.



Mu ijoro ry’uyu wa kabiri tariki 01 Ukwakira 2019 ni bwo abategura ibi bihembo batangaje abahanzi n’amatsinda bo mu Rwanda bahataniye ibihembo. Ni ibihembo bizanahabwa abo muri Uganda, Kenya na Tanzania.

Guha amahirwe umuhanzi uhataniye muri ibi bihembo bizatangira kuwa 10 Ukwakira 2019, amatora asozwe ku wa 20 Ugushyingo 2019. Ibirori byo guhemba abarushije abandi muri buri cyiciro bizaba kuwa 24 Ugushyingo 2019,

Indirimbo “Amarira y’ibyishimo” ya Danny Mutabazi, “Ijambo rya nyuma” ya Patient Bizimana, “Naranyuzwe” ya Arsene Tuyi, “Nkoresha” ya James Rugarama na Daniella ndetse na “Umutima” ya Bosco Nshuti zirahatanira igihembo mu cyiciro cy’indirimbo nziza yo kuramya y’umwaka wa 2019 ‘Best worship Composition 2019’.

Umuraperi Elimax, M.D, The Pink, Rev Kayumba na Shema barahatanira igihembo cy’umuraperi mwiza mu cyiciro cya ‘Kingdom Rapper/Lyricist Of Excellence’. 

Mu cyiciro ‘Best Collaboration 2019’ harimo “Ineza yawe” Danny Mutabazi yakoranye na Aime Uwimana, “Mpa amavuta” ya James Rugaramana n’umufasha we Daniella, “Ni Yesu” ya Gentil Misigaro yakoranye na Serge Iyamuremye.

“Nzahora ndirimba” ya Prosper Nkomezi yakoranye na Aime Uwimana ndetse na  “Uri Hejuru” ya Nice Ndatabaye yakoranye na Aime Uwimana.

Mu cyiciro cy’itsinda rihimbaza Imana ‘Gospel Band/Choir/Music Group Of Excellence 2019 harimo ‘Ambassador Of Christ, Healing Worship Team, Shalom Choir, Trinity Worship Centre Team na Ukuboko kw’iburyo. 

Mu cyiciro ‘Female Vocalist Of Excellence’ harimo Carmene, Diane, Joy Gatabazi, Momo na Muganwa Assoumpta. Muri ‘Male Vocalist Of Excellence 2019’ harimo Babou Melo, Columbus, Emmy Payton, Fredy Don na Olivier The Legend.

Muri ‘Female Minister Of The Year’ hari Daniella, Diana Kamugisha, Gaby Kamanzi na Tonzi. Ni mu gihe mu cyiciro ‘Male Minister Of The Year’ harimo Bosco Nshuti, James Rugarama, Patient Bizimana, Prosper Nkomezi na Serge Iyamuremye.

Gaby Kamanzi

Serge Iyamuremye

Umuhazikazi Uwitonze Clementine [Tonzi]

Umuhanzi Aime Uwimana

Patient Bizimana ari guhtanira ibihembo bya 'Maranatha Awards'









Bahaus

Inyarwanda BACKGROUND