RFL
Kigali

Amerika: Umwana w'imyaka 14 yemeye ko yishe abo mu muryango we batanu

Yanditswe na: Liliane Kaliza
Taliki:4/09/2019 10:53
0


Umwana w'umuhungu w'imyaka 14 y'amavuko wo muri leta ya Alabama muri Leta Zunze Ubumwe za Amerika, yemeye ko ari we wishe abantu batanu bo mu muryango we, nkuko polisi yo muri iki gihugu ibivuga.



Abo bishwe ni se w'uwo muhungu, mukase, n'abo bavukana nkuko bitangazwa n'ibitangazamakuru byo muri Amerika. Batatu basanzwe bapfuye aho ibyo byabereye, mu gihe abandi babiri bo bapfiriye mu bitaro.

Polisi ivuga ko uwo muhungu, utatangajwe izina, ari gufasha abakora iperereza. Nta kiragaragaza ko haba hari impamvu yabimuteye cyangwa ukuntu yabonye intwaro yakoreshejwe imbunda yo mu ntoki yo mu bwoko bwa 9mm (9mm handgun). Iryo raswa ryabaye mu ijoro ry'ejo ku wa mbere mu mujyi wa Elkmont.

Ibikorwa by'urugomo rukoreshejwe imbunda birasanzwe muri Amerika - urubuga rwo kuri internet rubikurikirana rutangaza ko ibikorwa by'iraswa mu kivunge bigera hafi kuri 300 bimaze kuba muri uyu mwaka wonyine.

Abantu barindwi barishwe mu mpera y'icyumweru gishize mu rukurikirane rw'iraswa ryabaye giturumbutsi i Texas, hakaba hacyekwa umugabo w'imyaka 36 y'amavuko wari uherutse kwirukanwa ku kazi. Mu kwezi gushize kwa munani, ibitero bitandukanye byabereye i El Paso n'i Dayton byahitanye abantu 31.

Src: BBC






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND