RFL
Kigali

Kampala: Mbere yo guhura na AS Kigali, Proline FC yatsinzwe na KCCA muri Super Cup 2019-AMAFOTO

Yanditswe na: Mihigo Saddam
Taliki:28/08/2019 17:47
0


Hagati ya tariki 13-15 Nzeli 2019, Proline FC izacakirana na AS Kigali kuri sitade ya Kigali mu mukino ubanza w’ijonjora rya kabiri rya Total CAF Confederation Cup. Mbere yo kuza i Kigali, Proline FC yatsinzwe na KCCA ibitego 4-1 mu mukino wa Super Cup 2019.



Super Cup 2019 ni irushanwa ry'umunsi umwe uhuza ikipe yatwaye igikombe cya shampiyona n'igikombe cy'igihugu. KCCAyatwaye igikombe cya shampiyona 2018-2019 mu gihe Proline FC yatwaye igikombe cy'igihugu cya Uganda (Uganda Cup 2019).

Umukino wabereye ku kibuga cya Star Times Lugogo Stadium mu mujyi wa Kampala, KCCA FC iheruka gutwara irushanwa rya CECAFA Kagame Cup 2019, yatwaye Super Cup 2019 itsinze Proline FC ibitego 4-1. KCCA FC yahise yuzuza ibikombe 11 by'uyu mukino.


KCCA FC yari yaserukanye umwambaro mushya w'icyatsi umwe mu myenda itatu bazambara mu mwaka w'imikino 2019-2020

Ibitego bya KCCA FC byatsinzwe kuva ku munota wa 7' hatsinda Erisa Ssekisambu wanabonye ikindi ku munota wa 71', Musa Ramadhan (82') mu gihe Alan Okello yabonye igitego ku munota wa 14'. Igitego cya Proline FC cyabonetse ubwo Peter Magambo ukina yugarira muri KCCA yitsinze igitego ku munota wa 80'.


KCCA bishimira ibitego bitubutse babonye mu mukino 


Sadat Anaku (14) wa KCCA azamukana umupira 


Umukino w'imbaraga waberaga ku kibuga cya Lugogo


Alan Okello (25) ashaka uko yatsindira umupira 



KCCA bari bakaniye uyu mukino mu buryo bukomeye

Umusifuzi aganira na Peter Magambo witsinze igitego

PHOTOS: Amina Babirye (KCCA FC) 
 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND