Inyarwanda art Studio
Kigali

AFROBASKET Women: Kuri iki Cyumweru Senegal iracakirana Nigeria ku mukino wa nyuma-AMAFOTO

Yanditswe na: Mihigo Saddam
Taliki:17/08/2019 15:48
0

Kuri iki Cyumweru tariki 18 Kanama 2019, i Dakar muri Senegal hazamenyekana igihugu kizatwara igikombe cya Afurika cy’ibihugu ku bagore bakina Basketball.



Kuva tariki ya 9 Kanama 2019 kuzageza ku Cyumweru tariki 18 Kanama 2019 i Dakar muri Senegal hari kubera imikino y’igikombe cya Afurika cy’ibihugu mu bagore bakina umukino w’intoki wa Basketball.

Iri rushanwa riri kuba ku nshuro ya 26 ririmo ibihugu 12 aribyo; Angola, Cameroon, Cape Verde, Cote d’Ivoire, DR Congo, Misiri, Kenya, Mali, Mozambique, Nigeria, Senegal na Tunisia.


Nigeria yageze ku mukino wa nyuma itsinze itsinze Mali 79-58

Kuri uyu wa Gatanu tariki 16 Kanama 2019 ubwo bakinaga imikino ya ½ rero, Senegal na Nigeria bageze ku mukino wa nyuma bakaba bagomba gucakirana kuri iki Cyumweru bahatanira igikombe n’umudali wa Zahabu.


Senegal yakiriye irushanwa yageze ku mukino wa nyuma itsinze Mozambique amanota 60-57

Nigeria yageze ku mukino wa nyuma itsinze Mali amanota 79-58 (25-12, 17-16, 17-12 na 20-18). Muri uyu mukino, Meiya Tirera (13) wa Mali yatsinze amanota 14 na Rebounds esheshatu (6) akurikirwa na Evelyn Akhator (Nigeria,13) kuko yatsinze amanota 12 na Rebounds 13.


Lala Wane (14) yumva amabwiriza y'umutoza 

Umukino wakurikiye wasize Senegal igeze ku mukino wa nyuma itsinze Mozambique amanota 60-57 (18-8, 17-11, 22-9 na 19-13). Astou Traore (Senegal,10) yatsinze amanota 16  na Rebounds 9 mu gihe Seda Tamara (Mozambique, 16) yatsinze amanota 11 nna Rebounds 14.


Astou Traore azamukanye umupira ashaka gutsinda


Fatou Babou Diagne (45) wa Senegal afashe umupira 

Mali na Mozambique zigomba gucakirana kuri iki Cyumweru tariki 18 Kanama 2019 bahatanira umwanya wa gatatu (3rd Place).


Anabera Cossa (7) wa Mozambique azamukana umupira 

Kuri uyu wa Gatandatu hari umukino uhuza Angola na DR Congo mu guhatanira umwanya wa Gatanu (5) na Gatandatu (6) mu gihe Misiri na Cote d’Ivoire barwanira umwanya wa 7-8.


Bintou Dieme (7) wa Senegal yishimiye kugera ku mukino wa nyuma 



Ibyishimo by'abakinnyi ba Senegal     

Ku rundi ruhande, Nigeria nabo bari bafite ibyishimo byo kugera ku mukino wa nyuma bazahuramo na Senegal




Nigeria nyuma yo kugera ku mukino wa nyuma

PHOTOS: FIBA 







Bahaus

Inyarwanda BACKGROUND