iTel
Kigali

Peace Cup 2019: Ulimwengu na Saddam bafashije Rayon Sports gusoza ku mwanya wa 3 batsinda Police FC-AMAFOTO

Yanditswe na: Mihigo Saddam
Taliki:3/07/2019 20:28
2

Ikipe ya Rayon Sports yasoje ku mwanya wa gatatu mu gikombe cy’Amahoro 2019 ibanje gutsinda Police FC ibitego 3-1 mu mukino wo guhatanira uyu mwanya wakinirwaga kuri sitade ya Kigali kuri uyu wa Gatatu tariki ya 3 Nyakanga 2019.



Rayon Sports yatsindiwe na Ulimwengu Jules (9’,34’) na Nyandwi Saddam (90+2’) mu gihe igitego rukumbi cya Police FC cyatsinzwe na Muvandimwe Jean Marie Vianney (90+3’ wari winjiye mu kibuga asimbuye.




Abakinnyi ba Rayon Sports bishimira intsinzi

Rayon Sports yaburaga umubare munini w’abakinnyi, yaje ifite abakinnyi 14 harimo 11 babanje mu kibuga mu gihe ku ntebe y’abasimbura hari Mazimpaka Andre (GK), Mugheni Kakule Fabrice na Tuyishime Eric bita Congolais.


Mugisha Gilbert (12) imbere ya Eric Ngendahimana (C,24) kapiteni wa Police FC

Ibi byo kuba Rayon Sports yari ifite umubare muto w’abakinnnyi, byatumye Eric Irambona Gisa wari kapiteni afatanya na Habimana Hussein mu mutima w’ubwugarizi mu mukino utarebwe n’abafana ba Rayon Sports nk’uko bisanzwe.

Gusa kuba Police FC itari ifite Songa Isaie ufite ikibazo cy’imvune na Mushimiyimana Mohammed wagiye muri APR FC  cyo kimwe na Ishimwe Issa Zappy wasezeye muri iyi kipe, byatumye abakinnyi bari basigaye batabasha kwihagararaho imbere ya Rayon Sports yaburaga abakinnyi benshi kurushaho.

Hakiri kare cyane ku munota wa 9’ nibwo Ulimwengu Jules yafunguye amazamu ku mupira yahawe na Eric Rutanga Alba uheruka muri Zambia kuvugana na Nkana FC bakaba barananiranwe ari nabyo byatumye agaruka mu Rwanda kumvikana na Rayon Sports ku masezerano mashya yo gukomeza kubakinira.


Ndayishimiye Celestin (3) yasimbuwe na Muvandimwe JMV


Mudeyi Suleiman yakinnye iminota 90' y'umukino

Igitego cya kabiri cyaje ku munota wa 35’ n’ubundi gitsinzwe na Ulimwengu Jules agitsinda Maniraguha Hilaire wari mu izamu aje asimbura Bwanakweli Emmanuel wavunitse arwana n’iyinjira ry’igitego cya mbere agahita ava mu izamu mbere y’uko umukino ukomeza. Nyandwi Saddam wari uhagaze neza mu mukino cyane mu gice cya kabiri yaje gusiga ab’inyuma ba Police FC abatsinda igitego ku munota wa 90+2’ mbere y’uko Muvandimwe Jean Marie Vianney yishyuramo kimwe ku munota wa 90+3’ ateye umupira uteretse (Free-kick).



Nyandwi Saddam ajya gutsinda igitego 






Maniraguha Hilaire amaze kwinjizwa igitego

Bikorimana Gerard yari mu izamu, Nyandwi Saddam aca iburyo, Eric Rutanga Alba aca ibumoso. Habimana Hussein na Irambona Eric Gisa bakinaga mu mutima w’ubwugarizi.




Uwimbabazi Jean Paul (7) azamukana umupira mu binyuma ba Rayon Sports 


Donkor Prosper Kuka umukinnyi wo hagati muri Rayon Sports uvuka muri Ghana 

Hagati mu kibuga harimo, Tumusiime Altijan, Donkor Prosper Kuka na Bukuru Christophe wakinaga inyuma ya Ulimwengu Jules. Mudeyi Suleiman yaca uruhande rumwe na Mugisha Gilbert agaca ku rundi.

Ku ruhande rwa Police FC, Bwanakweli Emmanuel Fils yari mu izamu kuri kabiri hari Mpozembizi Mohammed, ibumoso hanyura Ndayishimiye Celestin Evra.

Mu mutima w’ubwugarizi, Hakizimana Issa Vidic yakoranaga na Nsabimana Aimable imbere yabo hari Eric Ngendahimana na Ndayisaba Hamidou.


Ndayishimiye Antoine Dominique (14) azamukana umupira avunzwe na Habimana Hussein (20) baikinanye muri Police FC


Nyandwi Saddam abuza inzira Ndayisaba Hamidou (20)


Nyandwi Saddam yagoye cyane ikipe ya Police FC muri uyu mukino


Abakinnyi ba Police FC bumva inama za Nshimiyimana Maurice 

Hakizimana Kevin bita Pastole yakinaga inyuma ya rutahizamu Ndayishimiye Antoine Dominique. Uwimbabazi Jean Paul yakinaga uruhande rw’ibumoso mu gihe Usabimana Olivier yacaga iburyo.

Police FC yakinaga umukino utandukanye n’wo bakinnye bahura na SC Kiyovu kuko wabonaga ari Police FC itari gushaka ibitego mu buryo bwihuse ahubwo baje kwisanga Rayon Sports ibari hejuru mu bijyanye no hana hana umupira kuva hagati mu kibuga ugaruka inyuma kuko abakurikiye uyu mukino babonye ko hari aho Rayon Sports yamaze iminota igera kuri ibiri ikipe ya Police FC itarakora ku mupira mu gice ka kabiri.

Mu gukora impinduka, Nshimiyimana Maurice bita Maso umutoza wa Police FC yakuyemo Uwimababazi Jean Paul ashyiamo Peter Otema, Maniraguha Hilaire (GK) yari yasimbuye Bwanakweli Emmanuel Fils mu gihe Ndayishimiye Celestin yasimbuwe na Muvandimwe Jean Marie Vianney.

Ku ruhande rwa Mwisenzea Djamal wari umutoza mukuru wa Rayon Sports yaje gukuramo Eric Rutanga Alba ashyiramo Mugheni Kakule Fabrice, Tumusiime Altijan asimburwa na Tuyshime Eric Congolais.


Tuyishime Eric yinjiye asimbuye mu gice cya kabiri


Ndayisaba Hamidou (20) abyigana na Nyandwi Saddam (16)

Rayon Sports byarangiye itsindiye umwanya wa gatatu mu gihe mu mwaka wa 2018 yari yageze ku mukino wa nyuma igatsindwa na Mukura Victory Sport. Police FC yatahanye umwanya wa kane mu gihe iheruka igikombe mu 2015 itsinda Rayon Sports igitego 1-0 ku mukino wa nyuma kuri sitade Amahoro.

Abakinnyi babanje mu kibuga:


Abakinnyi bose Rayon Sports yari ifite ku mukino


Bikorimana Gerard yari mu izamu rya Rayon Sports 

Rayon Sports XI: Bikorimana Gerard (GK,22), Nyandwi Saddam 16, Eric Rutanga Alba 3, Habimana Hussein 20, Irambona Eric Gisa (C,17), Bukuru Christophe 18, Donkor Prosper Kuka 8, Mudeyi Suleiman 13, Tumusiime Altijan 28, Mugisha Gilbert 12 na Ulimwengu Jules 7.

Police FC Xi: Bwanakweli Emmanuel Fils (GK,27), Mpozembizi Mohammed 21, Ndayishimiye Celestin 3, Hakizimana Issa Vidic 15, Nsabimana Aimable 13, Eric Ngendahimana (C,24), Ndayisaba Hamidou 20, Hakizimana Kevin Pastole 25, Uwimbabazi Jean Paul 7 na Usabimana Olivier 11


11 ba Police FC babanje mu kibuga 

Uva ibumoso: Hakizimana Kevin (25), Bukuru Christophe (18), Hakizimana Issa Vidic (15) na Uimwengu Jules (7) abakinnyi bavuga i Burundi 









  





Amakipe ava mu rwamabariro 

Photos: Saddam MIHIGO






IBITECYEREZO

  • niyonkururamadhani1 month ago
    Mwaabamuzicyo nyandwisadamu amazekwigezahonkumutungowe aho agereyemurireospormurakoze
  • shumbusha anastase1 month ago
    ooo rayoon komerezaho ariko icyibazo cyumutoz cyizagukoraho


Inyarwanda BACKGROUND