Inyarwanda art Studio
Kigali

Manchester United, Real Madrid na Bayern Munich zirashaka kugura Mohamed Salah ayingayinga miliyoni 180 z’Amayero

Yanditswe na: Editor
Taliki:3/06/2019 16:52
0

Liverpool iri guhangana no kuba yakongerera amasezerano Mohamed Salah muri ino mpeshyi nyuma yuko Manchester United na Real Madrid bifuza kumusinyisha bamutanzeho akayabo ka miliyoni ziyingayinga 180 z’amayero.



Ikinyamakuru AS cyatangaje ko uyu mukinnyi w’umunyamisiri yaba ari mu nzira zo gusohoka Anfield (Liverpool), aho ikipe ya Bayern Munich yifuza kuba yamwimika ikamugira umwami wa Bungesliga shampiyona y’igihugu cy’u Budage, ikamwubakiraho ikipe ya Bayern Munich.

Mohamed Salah watsinze ibitego byinshi muri Premier League

Salah yatsinze igitego cya Penaliti mu bitego bibiri ikipe iyoborwa na Jurgen Klopp yatsinze mu mu kino wa nyuma wa UEFA Champions League, aho Liverpool yatsinze Tottenham 2-0. Salah yafashije Liverpool gutwara igikombe cya gatandatu cya UEFA Champions League, aho yabaye ikipe ya Gatatu ifite ibikombe byinshi bya UEFA Champions League nyuma ya Real Madrid ya mbere ifite ibikombe 13.

Mohamed Salah wafashije Liverpool gutwara igikombe cya 6 cya Champions League

Mohamed Sala abajijwe ibyo akazoza ke mu mwaka utaha wa shampiyona niba azakomeza gukinira Liverpool yirinze kugira icyo yabivugaho. Yasubije ati:’ Ubu ngubu ntacyo navuga ku hazaza hange

Ibinyamakuru byatangiye kwandika ko Salah ari mu nzira asohoka muri Liverpool

AS iki kinyamakuru cyatangaje ko ikipe ya Real Madrid yananiwe gusinyisha uyu mukinnyi agikinira ikipe ya AS Roma, ariko nyuma yuko Zinedine Zidane agarutse i Bernabeu (muri Real Madrid) ndetse na nyuma yuko afashije ikipe ya Liverpool gutwara UEFA Champions League yiteguye kumutangaho akayabo k'asaga miliyoni 180 z’amayero.

Zidane umutoza mukuru wa Real wifuza Mohamed Salah

Avuga kuri Salah muri ino shapiyona Zidane yagize ati:”Ni umukinnyi mwiza, yarabyerekanye muri Roma, ndetse ntiyatinze kubitugaragariza muri Liverpool. Aracyari muto ndetse n’impano ye iracyakomeje gukura, azatwereka byinshi kandi byiza mu mupira w’amaguru ni umukinnyi mwiza kandi nubaha”.

Ole umutoza wa Manchester United uri kuvugana na Salah mu ibanga

Ole Gunnar Solskaer azahabwa amafaranga menshi yo kugura abakinnyi nyuma yo kugira umwaka w’imikino mubi, aho ataje mu makipe ane ya mbere azitabira irushanwa rya UEFA Champions League, bikaba bivugwa ko Ole ari kuvugana mu buryo bw’ibanga na Mohamed Salah kuba yava muri Liverpool akerekeza muri ino kipe ikunda kwiyita amashitani atukura (The Red Devils) Manchester United.

Paul Mugabe/ Inyarwanda.com








Bahaus

Inyarwanda BACKGROUND