Inyarwanda art Studio
Kigali

NBA: Golden State Warriors yishyuye Toronto Raptors mu mukino warebwe na Barack Obama-AMAFOTO

Yanditswe na: Mihigo Saddam
Taliki:3/06/2019 9:51
0

Ikipe ya Goden State Warriors ifite ibikombe bibiri bya shampiyona ya NBA yarayeb itsinze Toronto Raptors amanota 109-104 mu mukino wa kabiri wa Playoffs.




Andre Iguodala (9) ashaka amanota 

Golden State Warriors yari ifite akazi ko kwishyura Toronto Raptors kuko iyi kipe yo muri Canada yari yabanje gutsinda Golden State Warriors amanota 118-109 mu mukino ubanza.


Abakinnyi ba GSW bishimira intsinzi mu mukino wa kabiri

Muri uyu mukino, ikipe ya Toronto Raptors wabonaga ifite uburyo yakaniye umukino kuko yagendanaga na Golden State Warriors (GSW)  mu manota nta kinyuranyo kinini kirimo, gusa GSW yaje kubyaza umusaruro agace ka gatatu bityo itsinda amanota 34 kuri 21 ya Toronto Raptors.


Stephen Curry afite umupira hagati mu bakinnyi ba Toronto Raptors 

Agace ka mbere katwawe na Toronto Raptors n’amanota 27-26 mbere yuko yiyongeza agace ka kabiri n’amanota 32-28.

Mu gace ka gatatu nibwo GSW yakangutse ihita itsinda amanota 34 mu gihe Toronto Raptors yari ifite amanota 21 byumvikana ko ikinyuranyo cy’amanota 13 cyari impamba nziza muri aka gace ndetse amanota atanu (5) yarushanwaga mu duce tubiri twa mbere yari imaze kuyakuramo ahubwo isigara yizigamiye amanota umunani (8) yo kuyiherecyeza mu gace ka nyuma.


Stephen Curry azamukanye umupira 

 Agace ka nyuma ntabwo kabaye ibirori kuri GSW kuko yatsinzwe amanota 24-21 bityo amanota umunani (8) yari yizigamye havamo atatu (3) isigara irushanwa Toronto Raptors amanota atanu ari nabwo umukino warangiye GSW itsinze Toronto Raptors amanota 109-104.  

Kawhi Leonard wa Toronto Raptors yatsinze amanota 34 mu mukino mu gihe Klay Thompson wa GSW yatsinze amanota 25 ari nako mugenzi we Stephen Curry atsinda amanota 23.



Umukino w'imbaraga no gushka intsinzi 

Wari umukino ukomeye kuko GSW nk’ikipe ikomeye yashakaga kwishyura Toronto Raptors iheruka kuyitsinda iyirusha amanota umunani (8). Barack Obama wahoze ari perezida wa Leta Zunze Ubumwe za Amerika (USA) yarebye uyu mukino ndetse na Rory McIlroy ikirangirire mu mukino wa Golf ku isi nawe yari ahari.


Barack Obama asuhuza abafana 


Rory Mcllory n'umufasha we barebye uyu mukino


Drake umuhanzi ukomeye muri USA afana Toronto Raptors y'iwabo muri Canada

Nyuma yo kuba amakipe yombi aganya umukino 1-1, umukino wa gatatu uzakinwa tariki ya 8 Kamena 2019 mu gihe umukino wa kane uzakinwa tariki 11 Kamena 2019. Ikipe itanze indi gutsinda imikino ine (4) ihita ihabwa igikombe.



Kawhi Leonard (2) wa Toronto Raptors yatsinze amanota 34 mu mukino    


DeMarcus Cousins wa GSW hafi y'inkangara ashaka gukora ibitendo 


Goldene State Warriors nyuma y'umukino

PHOTOS: DailMailOnline







Inyarwanda BACKGROUND